Concello de Ames

Menú [Saltar]

Concello de Ames

[http://www.concellodeames.org]


Inicio Relaciónate Avisos Este xoves, 28 de...


Este xoves, 28 de xuño, realizarase o sorteo de prazas da Escola Municipal de Música de Ames

[27-06-2018] O Concello de Ames informa de que este xoves, 28 de xuño, ás 16.30 horas, na Casa da Cultura do Milladoiro, realizarase o sorteo de prazas da Escola Municipal de Música de Ames nas seguintes modalidade: música e movemento (nados no 2013); guitarra; percusión/batería; violín; frauta traveseira; e canto.

Despois do sorteo, abrirase un prazo de matrícula ata o 6 de xullo para que os alumnos/as que obtiveron praza a confirmen. Terán que efectuar o pagamento do importe da matrícula. Para iso recibirán por correo electrónico (ou poderán pasar pola oficina de recadación do Concello de Ames ou pola oficina da Escola de Música, situada na Casa da Cultura do Milladoiro) a folla de autoliquidación da taxa de matrícula, coa que terán que achegarse a algunha das entidades bancarias correspondentes para facer o ingreso. Unha vez pagada, deberán entregar no rexistro o resgardo de pago da autoliquidación da matrícula.

Coas persoas que non obtiveron praza elaborarase unha lista de agarda para o curso 2018-2019, co obxectivo de cubrir posibles baixas. Para obter máis información poden poñer en contacto coa oficina da Escola de Música no Milladoiro, de luns a venres, en horario de 9:30 a 13:30 horas, chamando ao número de teléfono 981 535 940 ou enviando un correo electrónico ao enderezo escolademusica@concellodeames.gal.

Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925