Ayuntamiento de Ames

Menú [Saltar]

Ayuntamiento de Ames

[http://www.concellodeames.org]


Inicio Relaciónate Avisos


Avisos

Unha unidade móbil do Centro de Transfusión de Galicia atenderá as doazóns de sangue este xoves, 23 de maio, no Milladoiro

[22-05-2019] A Concellaría de Sanidade, Servizos Sociais e Igualdade informa á veciñanza amesá de que unha unidade móbil do Centro de Transfusión de Galicia (CTG) acudirá este xoves 23 ao Milladoiro. A unidade móbil de doazón estará aparcada na rúa da Curuxa, no cruce con Rosalía de Castro, en horario de 9.30 a 14.30h e de 15.30 a 21.00 horas. Lémbrase que se deberá acudir en posesión da tarxeta de doante ou do DNI ou un documento identificativo similar.

Bertamiráns acolle este xoves, 23 de maio, unha nova andaina saudable ao abeiro do programa SaudeAndo

[22-05-2019] Este xoves, 23 de maio, celebrarase unha nova andaina saudable con saída e chegada ao centro de saúde de Bertamiráns a partir das 17.30 horas. Esta actividade, ao igual que o resto de andainas encadradas dentro do programa, trátase dunha ruta de dificultade media–baixa, que terá unha duración aproximada dunha hora ou hora e media. Organizadas pola Concellaría de Sanidade de Ames e os centros de saúde de Bertamiráns e Milladoiro, ditas andainas terán lugar en ambas localidades en semanas alternas.

Listas provisionais de solicitudes admitidas nos servizos complementarios (Comedores escolares, Bos días cole e Tardes divertidas) para o curso 2019-2020

[21-05-2019] O Concello de Ames informa das listas provisionais de solicitudes admitidas para os servizos complementarios (Comedores escolares, Bos días cole e Tardes divertidas) de cara ao curso 2019-2020. Establécese un prazo de 10 días hábiles para presentar posibles reclamacións que vai dende o 22 de maio ata o 5 de xuño de 2019. Unha vez finalizado dito prazo publicaranse as listas definitivas e abrirase un prazo de matricula para ditas solicitudes. Premendo nos enlaces que están a túa dereita, baixo o apartado de descargas, poderás obter as devanditas listas.

Listas de admitidos/as no proceso de renovación de prazas nos servizos complementarios (Bos días Cole, Tardes divertidas e Comedores escolares)

[21-05-2019] O Concello de Ames informa de que xa se poden consultar as listaxes de admitidos/as nos servizos complementarios de Educación para o curso 2019-2020. Premendo nos enlaces que están a túa dereita, baixo o apartado de descargas, poderás consultar as listas de admitidos/as nos servizos de Bos días Cole, Tardes divertidas e na Rede municipal de comedores escolares. Debido a Lei de Protección de Datos non se poden publicar datos de carácter persoal nesta lista, pero pódese comprobar se un rapaz ou rapaza está admitido/a a través do número de rexistro que figura nesta lista e na copia do impreso de inscrición de cada usuario/a. Estas listas tamén se poden consultar nas oficinas do departamento de Educación, situadas no Pazo da Peregrina, na Casa do Concello e nas oficinas municipais do Milladoiro.

Este xoves, 23 de maio, impártese un novo obradoiro de competencias socioemocionais sobre coaching e toma de decisións

[21-05-2019] A Concellaría de Servizos Sociais e Igualdade de Ames organiza este xoves, ás 17.00 horas, no Pazo da Peregrina, en Bertamiráns, un novo taller dirixido ás mulleres amesás que estará centrado no coaching e a toma de decisións. Este taller enmárcase dentro dun programa de obradoiros de competencias socioemocionais enfocados no empoderamento feminino, para a adquisición de capacidades e habilidades socioemocionais que favorezan o seu crecemento persoal. Para participar nas actividades deste ciclo non é necesaria inscrición previa.


Aviso legal | Accesibilidad | RSS

© Ayuntamiento de Ames
Praza do Concello, 2, Bertamiráns. Tel: 981 883 002 - Fax: 981 883 925