Ayuntamiento de Ames

Menú [Saltar]

Ayuntamiento de Ames

[http://www.concellodeames.org]


Inicio Relaciónate Avisos


Avisos

Escola Municipal de Música - Retómanse as clases de linguaxe musical no seu horario habitual

[23-04-2019] O Concello de Ames, a través da Concellaría de Cultura, informa de que se retoman as clases de linguaxe musical, que se imparten no edificio de usos múltiples de Aldea Nova, no horario habitual de cada un dos grupos.

Información sobre o cobro dos recibos dos servizos complementarios e psicomotricidade

[23-04-2019] Dende o departamento de Educación informáselle ás familias usuarias dos servizos de Comedores Escolares, Bos días Cole, Tardes divertidas, así como do programa de psicomotricidade, que o cobro do seguinte recibo realizarase o día 26 de abril de 2019.

Unha unidade móbil do Centro de Transfusión de Galicia atenderá as doazóns de sangue os días 23 e 24 no Milladoiro e os días 25 e 26 en Bertamiráns

[22-04-2019] A Concellaría de Sanidade, Servizos Sociais e Igualdade informa á veciñanza amesá de que unha unidade móbil do Centro de Transfusión de Galicia (CTG) acudirá este martes 23 e mércores 24 ao Milladoiro e o xoves 25 e venres 26 de abril a Bertamiráns. A unidade móbil de doazón estará aparcada na rúa da Curuxa (no cruce con Rosalía de Castro) e na avenida da Maía (diante da praza da Maía), en horario de 15.30 a 21.00 horas. Lémbrase que se deberá acudir en posesión da tarxeta de doante ou do DNI ou un documento identificativo similar.

Está aberto o prazo de inscrición para o obradoiro de cantos de berce “Arrolos de salitre”

[22-04-2019] O vindeiro 26 de abril, a Casa da Cultura do Milladoiro enchese de arrolos e cantos de berce da man de Faia Díaz e Guillerme Fernández a través da actividade “Arrolos de salitre”. Este obradoiro, que estará orientado tanto a familias con crianzas entre os 0 e os 3 anos como a futuras mamás e papás, contará con dúas sesións, unha ás 17:00h e outra ás 18:00 horas. A iniciativa busca que as persoas asistentes aprendan novos cantos de berce para transmitirlles afecto ás crianzas a través da lingua e da música. A actividade é gratuíta e as prazas outorgaranse por orde de inscrición. Para inscribirse é necesario enviar un correo ao enderezo electrónico normalizacion@concellodeames.gal, indicando o nome e os apelidos das persoas participantes, a súa idade, a sesión escollida e un teléfono de contacto.

Menús da Rede de comedores escolares (xantar, almorzo e merendas) da semana do 22 ao 26 de abril

[22-04-2019] Premendo nos enlaces que están a túa dereita, baixo o apartado de descargas, poderás obter os menús da Rede municipal de comedores escolares para esta semana, así coma suxestión para as ceas. Ademais, para equilibrar a dieta diaria de todos os nenos e nenas de Ames a nutricionista prepara un menú cos almorzos e merendas que se servirán dentro dos servizos complementarios (Bos día Cole e Tardes Divertidas) que se desenvolven nos centros de ensino.


Aviso legal | Accesibilidad | RSS

© Ayuntamiento de Ames
Praza do Concello, 2, Bertamiráns. Tel: 981 883 002 - Fax: 981 883 925