Concello de Ames

Menú [Saltar]

Concello de Ames

[http://www.concellodeames.org]


Inicio Relaciónate Avisos


Avisos

Menús dos almorzos e do xantar da Primavera Lúdica 2019

[12-04-2019] Premendo nas ligazóns que están a túa dereita, baixo o apartado de descargas, poderás obter os menús dos almorzos e do xantar que se servirán na Primavera Lúdica. O servizo desenvolverase, tanto no Milladoiro como en Bertamiráns, os días 15, 16 e 17 de abril, en horario de 7:30h a 16:00 horas. Os menús están elaborados pola nutricionista municipal.

Aprobación do prezo público dos campamentos de verán do Concello de Ames

[11-04-2019] O Concello de Ames informa de que a Xunta de Goberno Local, en sesión celebrada o día 11 de abril de 2019, aprobou o prezo público dos campamentos de verán do Concello de Ames: urbano, de educación infantil, educación primaria, educación secundaria e bacharelato. En cumprimento do citado acordo, mediante o presente anuncio dáse conta da aprobación dos prezos públicos, que son os que se reflicten no anuncio que acompaña a dito aviso. Premendo no enlace que está a túa dereita, baixo o apartado de descargas, poderás obter dito documento.

Resolución de ordenación do pago e citación de levantamento de actas de pago/consignación e ocupación no proxecto de expropiación polo procedemento de taxación conxunta para a execución do PEID para

[10-04-2019] O Concello de Ames informa da publicación do decreto no que se resolve a ordenación do pago e citación de levantamento de actas de pago/consignación e ocupación no proxecto de expropiación polo procedemento de taxación conxunta para a execución do PEID para dotación escolar no Milladoiro. Premendo no enlace que está a túa dereita, baixo o apartado de descargas, poderás obter dito documento.

O programa SaudeAndo organiza unha nova andaina saudable este xoves, 11 de abril, en Bertamiráns

[10-04-2019] Este xoves, 11 de abril, celebrarase unha nova andaina saudable con saída e chegada ao centro de saúde de Bertamiráns a partir das 17.30 horas. Esta actividade, ao igual que o resto de andainas encadradas dentro do programa, trátase dunha ruta de dificultade media–baixa, que terá unha duración aproximada dunha hora ou hora e media. Organizadas pola Concellaría de Sanidade de Ames e os centros de saúde de Bertamiráns e Milladoiro, ditas andainas terán lugar en ambas localidades en semanas alternas.

O filme “Siete días de enero” será o protagonista da sesión de cinefórum deste xoves no IESP de Ames

[10-04-2019] “7 días de enero” é unha reconstrución do atentado perpetrado en 1977 polo grupo de ultradereita Triple A contra un despacho de abogados laboristas, vinculados ao Partido Comunista e a Comisións Obreiras. O atentado saldouse coa morte de cinco traballadores do bufete e catro malferidos, o que supuxo un dos episodios máis sanguinarios da transición, coñecido como A matanza de Atocha.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925