Concello de Ames

Menú [Saltar]

Concello de Ames

[http://www.concellodeames.org]


Inicio Relaciónate Avisos


Avisos

Proxectos presentados á nova convocatoria de Radio Cidadá (Ames Radio)

[26-07-2018] O Concello de Ames abriu unha nova convocatoria para presentar proxectos de programas de radio para emitir entre os meses de setembro e decembro en Ames Radio, con posibilidades de se prorrogaren ata xuño de 2019. Deste xeito, presentáronse un total de 20 proxectos, dos cales 5 xa van pola segunda tempada (Miradas, Tangos da esquina do Sur, De Museo, País na Onda e Vivimos nun mundo finito). O resto, 15 proxecto, son novos. A temática dos proxectos presentados é moi diversas: cultura, música, deporte, actualidade, ciencia, etc. Premendo na ligazón que está a túa dereita, baixo o apartado de descargas, poderás obter o relatorio de proxectos presentados á nova convocatoria de Radio Cidadá.

Corte do subministro de auga este venres, 27 de xullo, de 00.00 a 08.00 horas

[24-07-2018] O Concello de Ames informa de que a empresa Espina & Delfín, concesionaria do servizo do ciclo integral da auga, comunica que debido a traballos de mantemento na rede de abastecemento de auga potable, este venres, 27 de xullo de 2018, entre as 00.00 e as 08.00 horas, procederase ao corte do subministro de auga, que afectará os seguintes lugares: Framil, Quistiláns, O Outeiro, Mourigade, Buceleiras, Guimaráns, Eirapedriña e Framán. Desculpen as molestias que se poidan ocasionar.

Listas definitivas de solicitudes admitidas no programa de Escola de Verán 2018

[27-06-2018] O Concello de Ames informa de que xa están expostas as listas definitivas de solicitudes admitidas no programa de Escola de Verán. Premendo nos enlaces que están a túa dereita, baixo o apartado de descargas, poderás consultar estas listas. Debido a Lei de Protección de Datos non se poden publicar datos de carácter persoal nestas listas, pero pódese comprobar se un rapaz ou rapaza está admitido/a a través do número de rexistro que figura nas listas e na copia do impreso de inscrición de cada usuario/a. Estas listas tamén se poden consultar nas oficinas do departamento de Educación, situadas no Pazo da Peregrina, nas portas de entrada da Casa do Concello e nas oficinas municipais do Milladoiro.

Durante os meses de xullo e agosto o Roupeiro municipal non recollerá roupa

[25-06-2018] O Concello de Ames, a través da Oficina de Voluntariado de Ames, informa de que durante os meses de xullo e agosto, como vén sendo habitual nos últimos anos, o Roupeiro municipal non recollerá roupa. Durante estes dous meses de verán seguirá funcionando para todas aquelas persoas que precisen roupa ou outro tipo de enseres. A comezos do mes de setembro retomará a súa actividade habitual.

Ampliación do horario de peche dos establecementos hostaleiros con motivo das festas de San Xoán, festas do Apóstolo e semana das festas da Peregrina

[22-06-2018] O Concello de Ames informa de que os locais hostaleiros situados no concello de Ames poderán ampliar o seu horario de peche nunha hora durante as festas de San Xoán (22, 23 e 24 de xuño), festas do Apóstolo (24 e 25 de xullo) e a semana das festas da Peregrina (8, 9, 10, 11 e 12 de agosto). Premendo no enlace que está a túa dereita, baixo o apartado de descargas, poderás obter a resolución completa.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925