Concello de Ames

Menú [Saltar]

Concello de Ames

[http://www.concellodeames.org]


Inicio Relaciónate Avisos


Avisos

Listas de admitidos nas Escolas Deportivas e nos Obradoiros Culturais

[04-10-2005] Nos taboleiros dos pavillóns e das Casas de Cultura de Bertamiráns e do Milladoiro están expostas as listas de admitidos nos Obradoiros Culturais e nas Escolas Deportivas que dependen da Concellaría de Cultura e Deportes.
O luns, día 3 de outubro, publicaranse nos mesmos espazos a oferta de novos grupos para os inscritos en calidade de reserva e para os grupos que aínda non están completos.

Resultado do sorteo de prazas para a visita ao Buque Bio Hespérides

[04-10-2005] Realizado o sorteo para a visita ao buque oceanográfico Hespérides o día 3 de outubro de 2005, ás 14:00 h, en presenza de Dª Rosa Ana Prada Queipo, secretaria do Concello de Ames, foron seleccionadas as persoas que aparecen na seguinte lista:

Novos grupos para os reservas nas Escolas Deportivas e nos Obradoiros Culturais

[04-10-2005] A Concellaría de Cultura e Deportes oferta novos grupos nas Escolas Deportivas e Culturais para as persoas que sen ter praza estaban en calidade de reservas. Ademais amplía o prazo de inscrición nalgúns dos obradoiros e escolas que teñen grupos sen completar. O prazo para inscribirse remata o día 11

Inscricións para a visita ao Buque de Investigación Oceanográfica Bio Hespérides

[03-10-2005] Ata o día 3 de outubro ás 14 horas está aberto o prazo de inscrición para participar na visita que o Concello de Ames vai facer ao Buque de Investigación Oceanográfica Bio Hespérides, atracado estes días no Porto da Coruña.

As inscricións pódense facer entre as 9 e as 14 horas no Concello de Ames, no departamento de Medio Ambiente e na Oficina Municipal do Milladoiro. Tamén se poden facer nas Bibliotecas Municipais do Milladoiro e de Bertamiráns en horario de 17 a 21 horas.
É condición imprescindible para inscribirse estar empadroado no Concello de Ames.
Tanto o numero de prazas -30- como o horario e a data están condicionadas polo Hespérides.

No caso de que haxa máis solicitudes que prazas, efectuarase un sorteo público no Salón de Plenos do Concello de Ames a partir das 14 horas do día 3 de outubro. O resultado dese sorteo exporase no taboleiro da praza do Concello en Bertamiráns a partir das 15 horas dese mesmo día.

A visita ao buque realizarase o martes, 4 de outubro. O autobús sairá ás 15 horas da praza do Concello de Ames e ás 15,15 da Casa da Cultura do Milladoiro.

Aberto o prazo para a solicitude de bolsas de transporte

[29-09-2005] Todos os alumnos censados en Ames que estuden niveis de estudos que non se ofrezan nos Centros oficiais do Concello e que asistan a Centros sostidos con fondos públicos, poden solicitar axudas para transporte.
As axudas poden solicitarse na Oficina Municipal do Milladoiro e na Casa de Cultura de Bertamiráns.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925