Concello de Ames

Menú [Saltar]

Concello de Ames

[http://www.concellodeames.org]


Inicio Relaciónate Avisos


Avisos

Aberto o prazo de inscrición para o curso da EMMA 06/07 para os alumnos que xa estiveron matriculados o curso 05/06

[31-05-2006] Desde o día 1 e ata o día 10 de xuño está aberto o prazo para entregar as fichas de inscrición cubertas para o próximo curso 06/07 na Escola Municipal de Música de Ames para os alumnos e alumnas que xa estiveron matriculados na escola o curso 05/06.
As inscricións poden facerse na Casa da Cultura de Bertamiráns e na casa da Cultura do Milladoiro en horario de 9:00 a 14:00.
Os interesados e as interesadas poden consultar calquera dúbida no teléfono 981 535940

Listaxe de admitidos para o I Campus de Fútbol Sala

[31-05-2006] Podes consultar aquí a listaxe de admitidos no I Campus de Fútbol Sala que se desenvolverá entre os días 5 e 9 de xuño no Pavillón Polideportivo de Bertamiráns.

Menú da Rede Municipal de Comedores Escolares

[24-05-2006] Os pais e nais dos nenos e nenas que comen nos comedores escolares dependentes do Concello, poden consultar o menú desta semana descargando o documento que hai na seguinte ligazón.

Aberto o prazo de inscrición no I Campus de Fútbol Sala Concello de Ames

[24-05-2006] Ata o día 30 de maio está aberto o prazo de inscrición para participar no I Campus de Fútbol Sala Concello de Ames que se celebrará no Pavillón Polideportivo de Bertamiráns os días 5,6,7,8 e 9 de xuño.
Poden inscribirse todos os nenos e nenas nados entre os anos 1.994 e 1.999, ambos incluídos, que estean empadroados en Ames.
Hai 30 prazas para Os rapaces e as rapazas nados nos anos 97, 98 e 99 e 30 máis para os/as dos anos 94, 95 e 96.
No caso de haber máis inscricións que prazas, realizarase un sorteo público o 31 de maio ás 12 horas na Casa do Concello
A cota é de 6 euros
As inscricións poden facerse nas Casas de Cultura en horario de 9 a14 horas.
Necesítase a seguinte documentación
- Ficha de inscrición cumplimentada (facilitarase nas Casas de Cultura)
- Fotocopia do DNI
- Fotocopia da tarxeta sanitaria
- Copia do aboamento da inscrición (posterior á confirmación da praza por parte do concello)
Impartirán as clases adestradores nacionais e xogadores do A. Lobelle

Aberto o prazo de inscrición para a excursión a Valdeorras

[22-05-2006] Ata o día 2 de xuño está aberto o prazo de inscrición para participar na excursión ao Barco de Valdeorras que organiza, polas rutas do viño, a Concellaría de Cultura dentro do programa Coñecendo o país.
O prezo da excursión é de 15 euros. É requisito imprescindible para inscribirse estar empadroado no Concello de Ames. Hai 105 prazas dispoñibles e as prazas adxudicaranse por riguroso orde de inscrición.
As inscricións pódense facer nas Casas da Cultura de Milladoiro e de Bertamiráns.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925