Concello de Ames

Menú [Saltar]

Concello de Ames

[http://www.concellodeames.org]


Inicio Relaciónate Avisos


Avisos

Aberto prazo de inscrición para os Cursos de Lingua Galega para adultos

[24-03-2006] Ata o 10 de abril está aberto o prazo para inscribirse nos Cursos de Lingua Galega para Adultos que se desenvolverán desde o 19 de abril ata o 26 de xuño no caso do Curso de Iniciación e desde o 19 de abril ata o 13 de xuño no caso do Curso de Perfeccionamento. A inscrición pode facerse nas Casas da Cultura de Bertamiráns e do Milladoiro en horario de 9 a 14 da mañá.
Os cursos están organizados pola Concellaría de Cultura de Ames, a través do SNL, en colaboración coa Secretaría Xeral de Política Lingüística.
As listaxes de persoas admitidas nestes cursos poderán consultarse nos taboleiros municipais (Casa do Concello de Bertamiráns, Oficina Municipal do Milladoiro e Casas da Cultura) e na páxina web do concello (www.concellodeames.org) a partir do 11 de abril de 2006.

Consulta as datas concretas na seguinte ligazón

Inscricións para acudir ao encontro Xuventude Galicia Net 2006

[23-03-2006] Ata o día 6 de abril está aberto o prazo de inscrición para facerse con unha das 100 prazas que a Concellaría de Mocidade oferta para acudir ao encontro Xuventude Galicia Net 2006.
Os mozos e mozas que asistan ao encontro a través da Concellaría de Mocidade de Ames disporán de servizo de autobús con paradas en Bertamiráns e no Milladoiro, seguro de viaxe e unha visita guiada á esta feira das novas tecnoloxías.
Poderán inscribirse os mozos de entre 10 e 30 anos que estean censados no Concello.
A Concellaría oferta un total de 100 prazas. No caso de haber máis solicitantes que prazas, celebrarase ao remate do prazo de inscrición, un sorteo público perante a Secretaria do Concello.
Os interesados e interesadas deberán entregar a solicitude no propio Concello ou na oficina municipal de O Milladoiro, cubrindo a ficha anexa ao tríptico editado. Estes trípticos poderán obterse no Concello ou picando na seguinte ligazón.

Aberto o prazo de preinscrición para a viaxe a Roma "Vivir o mundo"

[22-03-2006] Este ano o programa "Vivir o mundo" da Deputación da Coruña levará 12 mozos e mozas de Ames ata Roma. A viaxe -destinada a rapaces de entre 12 e 14 anos- será no mes de maio, sen embargo hai que ir apuntándose xa. A prazo para a preinscrición remata o 8 de abril e se hai máis solicitudes que prazas farase un sorteo o día 10 ás 12'00 do mediodía.

Emisión dunha reportaxe especial sobre os comedores escolares de Ames

[21-03-2006] O mércores, 22 de marzo, vaise emitir unha reportaxe especial sobre os comedores escolares de Ames a través de La 2 de TVE na súa desconexión territorial. A reportaxe inclúese dentro do espazo "Consumidores".

Caducidade e baixa de estranxeiros non comunitarios no padrón municipal de habitantes

[21-03-2006] A Lei orgánica 14/2003, de 20 de novembro, no seu artigo terceiro modifica a Lei 7/1985, de 2 de abril, reguladora das bases de réxime local e introduce, entre outras, unha modificación no artigo 16 que establece a renovación periódica cada dous anos das inscricións de estranxeiros non comunitarios sen autorización de residencia permanente no Padrón Municipal de Habitantes e a caducidade de ditas inscricións, no caso de que o interesado non procedese a tal renovación. Neste caso, a caducidade poderá declararse sen necesidade de audiencia previa do interesado.

O Boletín oficial da provincia vén de publicar o decreto polo que se declara a caducidade da/s inscrición/s no Padrón Municipal de Habitantes do concello das persoas que se relacionan a continuación, por non ter renovada a súa inscrición padronal transcorrido o prazo de dous anos e en consecuencia, acordar a práctica da/s correspondente/s baixa/s da súa inscrición no Padrón Municipal de Habitantes:

Nome e documento de identidade
CENDON, NORA ELENA - X4579490Y
GONZALEZ DE SOUTO, MIRIAM ZUNILDE - X02945106W
HAJDINI, BEKIM - 004328578
SANCHEZ, MARIO ANIBAL - P111627446
SANCHEZ, GLORIA MARIA - P111321149


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925