Concello de Ames

Menú [Saltar]

Concello de Ames

[http://www.concellodeames.org]


Inicio Relaciónate Avisos


Avisos

Aberto o prazo de inscrición na XI Travesía a nado "Praia Fluvial de Tapia"

[21-07-2006] Ata as 14 horas do venres, día 28 de xullo, está aberto o prazo de inscrición para a XI Travesía a nado "Praia Fluvial de Tapia" que se desenvolverá o domingo, 30 de xullo, a partir das 12 do mediodía na Praia Fluvial de Tapia, organizada pola Concellaría de Cultura e Deportes
Poderán inscribirse na proba todos os nadadores federados e non federados que o desexen.
Os dereitos de inscrición son gratuítos.
As inscricións poden formalizarse na Oficina de Información Xuvenil en Bertamiráns, no teléfono 981815801 ou no fax 981883925 ata as 14:00 horas do venres 28 de xullo.
No momento da inscribirse, cómpre indicar o nome, apelidos, DNI e data de nacemento completa.
Os clubs ou asociacións poden enviar unha relación nominal dos participantes con todos os datos requiridos.
Os participantes menores de 18 anos necesitarán achegar unha autorización paterna.
Aproximadamente media hora antes da saída entregaránselles os gorros numerados a cada participante.
Haberá trofeos para os tres primeiros clasificados en cada categoría, camiseta da proba e bolsa de recuperación.

Aberto o prazo de inscrición na I Olimpíada de Ames

[21-07-2006] Ata o día 28 de xullo está aberto o prazo para inscribirse na I Olimpíada de Ames que se celebrará o domingo, día 30 de xullo, dentro da programación da III Festa da Mocidade.
Poden inscribirse equipos de cinco persoas tanto masculinos e femininos como mixtos. Estableceranse dúas categorías: unha para equipos formados por deportistas de 9 a 13 anos e outro para equipos formados por deportistas de máis de 13 anos.
As inscricións faranse nas Casas de Cultura do Milladoiro e de Bertamiráns en horario de 10 a 14 horas.
A Olimpíada desenvolverase no complexo deportivo do Milladoiro e incluirá as seguintes modalidades deportivas: fútbol, baloncesto, waterpolo, atletismo e ciclismo.
Haberá premios para todos os deportistas que cheguen aos cuartos de final en función da clasificación final.

Aberto o prazo de preinscrición para visitar Galiexpotuning

[17-07-2006] Ata o vindeiro mércores está aberto o prazo de preinscrición para a excursión que a Concellaría de Mocidade organiza ao Salón da automoción modificada Galiexpotuning o sábado 22 de xullo.
Poderán inscribirse todos os mozos e mozas que teñan máis de 10 anos censados en Ames.
A solicitude de preinscrición entregarase nos Centros Socioculturais da Terceira Idade e de Xuventude de O Milladoiro e Bertamiráns en horario de 10:00 a 14:00.
Hai 100 prazas dispoñibles. En caso de haber máis solicitudes que número de prazas realizarase un sorteo público.

Aberto o prazo de inscrición para participar na actividade Rafting polo Ulla

[17-07-2006] Ata o día 24 de xullo está aberto o prazo para inscribirse na xornada de Rafting polo Ulla que organiza a Concellaría de Mocidade dentro do programa Pasa un verán diferente connosco e que terá lugar o xoves 27 de xullo. As solicitudes de inscrición entregaranse nos Centros Socioculturais da Terceira Idade e de Xuventude de O Milladoiro e de Bertamiráns en horario de 10:00 a 14:00.

Listaxe dos admitidos/as na Escola de Verán para a segunda quincena de xullo e información sobre os locais onde se desenvolve a actividade

[17-07-2006] Podes consultar na seguinte ligazóns as listaxes definitivas dos nenos e nenas admitidos nas Escolas de Verán no Milladoiro e en Bertamiráns para a segunda quincena de mes e xullo e tamén informarte sobre os locais onde se desenvolve a actividade


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925