Concello de Ames

Menú [Saltar]

Concello de Ames

[http://www.concellodeames.org]


Inicio Relaciónate Avisos


Avisos

Aberto o prazo de inscrición para Días de Mar

[20-04-2006] Xa está aberto o prazo para inscribirse nas distintas excursións que conforman o programa Días de Mar que organiza a Concellaría de Medio Ambiente.
As excursións son 5 e os destinos son os seguintes: A Estación de Bioloxía Mariña da Graña, a costa rochosa da zona de Sada, os areais da Aguieira e o porto de Portosín, o Mar de Lira e a lonxa e o Instituto Galego de Acuicultura na Illa de Arousa.
As 5 visitas terán lugar entre os días 29 de abril e 2 de xuño.
Consulta aquí o programa completo das excursións, as datas e as idades a que van dirixidas cada unha das saídas, as datas de inscrición e descarga as fichas de inscrición

Menú da Rede Municipal de Comedores Escolares

[19-04-2006] As persoas interesadas poden consultar o menú que se serve na Rede de Comedores Escolares de Ames picando na seguinte ligazón:

Publicada a lista de admitidos/as no proceso de selección do titor/a do Equal "Compostela Social"

[11-04-2006] Finalizado o pasado día 3 de abril de 2006 o prazo de presentación de instancias establecido no apartado 4º das Bases polas que se rexe a convocatoria do proceso de selección para contratación laboral temporal dun/dunha titor/a de promoción de iniciativas empresariais dentro do Proxecto EQUAL "Compostela Social" e unha vez examinadas as instancias presentadas, acábase de publicar o listado de admitidos/as e excluídos/as do proceso selectivo,

Lista do sorteo da viaxe a Roma

[11-04-2006] O Concello acaba de sortear as 12 prazas que lle corresponden para a viaxe a Roma que organiza a Deputación da Coruña. Na lista -que se pode descargar premendo un pouco máis abaixo- aparecen os 12 rapaces e rapazas que poderán ir a Roma, así como a relación dos suplentes para o caso de que algún cause baixa antes da partida. A listaxe do sorteo celebrado no salón de sesións inclúe tamén o nome da única excluida por non estar empadroada en Ames.

Lista de admitidos nos Cursos de Galego

[11-04-2006] As 60 persoas que se inscribiron para o Curso de Iniciación ao Galego están admitidas e deberán presentarse o mércores, día 19 de abril, ás 20,30 horas na Casa da Cultura do Milladoiro.
Para o Curso de Perfeccionamento presentáronse 40 persoas e só hai dispoñibles 35 prazas polo que a organización se viu obrigada a efectuar un sorteo. Este sorteo realizouse o 11 de abril ás 12 da mañá no salón de plenos da Casa do Concello en presenza da secretaria do Concello e do concelleiro de Cultura e Deportes.
As persoas que non se presenten nas tres primeiras sesións do curso, é dicir nas sesións que se impartan os días 18, 19 ou 20, serán dadas de baixa e procederase a chamar ás suplentes.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925