Concello de Ames

Menú [Saltar]

Concello de Ames

[http://www.concellodeames.org]


Inicio Relaciónate Avisos


Avisos

Menú da Rede Municipal de Comedores Escolares

[15-12-2005] As persoas interesadas poden consultar o menú que se serve na Rede de Comedores Escolares de Ames picando nos seguintes enlaces:

Servizo de comedor en Ventín o día 22 de decembro

[13-12-2005] O próximo día 22 de decembro pola tarde non haberá clases no CEIP de Ventín. Por este motivo, os nenos que queden comer no colexio terán que ser recollidos antes das 16'00.

A efectos de saber cantos nenos van empregar o comedor ese día, a concellaría de Educación pídenlles aos pais que devolvan cuberta e asinada a ficha de notificación que poden descargar un pouco máis abaixo.

A ficha haberá que entregarlla a calquera monitor do comedor ou ben na oficina municipal do Milladoiro antes do xoves día 15 de decembro.

Exposición ao público do proxecto de urbanización do plan parcial S-03 'Alto do Vento II'

[13-12-2005] A Xunta de Goberno Local, na súa sesión celebrada o 26 de outubro de 2005, acordou aprobar inicialmente o proxecto de urbanización do plan parcial S-03 'Alto do Vento II'.

De conformidade coa lei, estes documentos poderanse examinar ata finais de ano nas dependencias dos servizos de urbanismo do Concello de Ames, situadas na rúa Alcalde Lourenzo, nº 2, Bertamiráns, e presentar durante o devandito prazo as alegacións que se consideren convintes.

Lista provisional de admitidos no Obradoiro de Emprego 'Cemiterio Municipal II'

[13-12-2005] Acaba de publicarse a lista provisional dos 44 admitidos nos catro módulos do Obradoiro de Emprego 'Cemiterio Municipal II'. A listaxe coas puntuacións pode descargarse premendo na ligazón que hai máis abaixo. No caso de empate entre dous ou máis candidatos, o tribunal aplicou dous criterios:

1º.- Maior tempo transcorrido dende a última inscrición como demandante de emprego.

2º.- Pertencer a algún dos colectivos en risco de exclusión social.

Hai 101 suplentes por se se producisen baixas na lista de admitidos por calquera circunstancia, incluídas as reclamacións. O periodo de reclamacións é desde hoxe ata o sábado, día 17 de decembro.

Ábrese o prazo de inscrición no programa 'Nadal Lúdico'

[23-11-2005] Como en anos anteriores a concellaría de Educación pón en marcha o 'Nadal Lúdico', dirixido a nenas e nenos de 3 a 12 anos. Con este programa preténdese ofertar unha alternativa que ocupe o tempo de lecer dos nenos dun xeito divertido e educativo durante as vacacións. Ademais, o programa tamén permite que as nais e mailos pais concilien a vida laboral e familiar.

O programa desenvolverase os días 23, 26, 27, 28, 29 e 30 de decembro e tamén do 2 ao 5 de xaneiro de 2005, ambos inclusive. O horario é de 7'30 a 16'00 horas e o servizo poderá solicitarse para o programa completo ou por días soltos.

Os prezos van desde o 1'50 euros por día solto en horario de 9 a 14'00 h. ata os 85 â?¬ do programa completo en horario de 7'30 a 16'00 horas con almorzo e xantar incluídos.

As actividades terán lugar no CEIP 'Bispo Guerra Campos', no IES e no polideportivo de Bertamiráns, así como na casa da Cultura, no CEIP de Ventín e no polideportivo do Milladoiro.

É moi importante ter en conta que o prazo de inscrición comeza o xoves 24 de novembro e remata o venres 9 de decembro. O Concello non admitirá ningunha inscrición fóra dese prazo.

As inscricións poderán facerse nas casas da Cultura de Bertamiráns e do Milladoiro en horario de 10 a 14 e de 17 a 21 h. de luns a venres. Os interesados deberán achegar a ficha de inscrición e o resgardo do ingreso na conta do concello.

As bases do servizo, a ficha de inscrición e os datos bancarios poden descargarse aquí mesmo:


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925