Concello de Ames

Menú [Saltar]

Concello de Ames

[http://www.concellodeames.org]


Inicio Relaciónate Avisos


Avisos

Mañá remata o prazo de inscrición para a I Duatlón Popular Concello de Ames

[05-07-2006] A I Duatlón Popular do Concello de Ames celebrarase na área deportiva do Milladoiro o día 12 de febreiro de 2006 a partir das 11 da mañá. A proba inclúe carreiras en bici e carreiras a pé.
Os participantes poden inscribirse chamando ao teléfono 981815801, a través do fax 981883925 ou enviando os datos ao enderezo electrónico: deportes@concellodeames.org . Nas inscricións debe indicarse o nome, o apelido, o DNI, o teléfono e o enderezo de cada participante. No caso dos clubs poden incluír a data de nacemento da entidade.
Admítense inscricións ata as 14:00 horas do venres 10 de febreiro. O día da proba, a organización recollerá as inscricións desde as 10 da mañá nunha oficina habilitada na Casa da Cultura do Milladoiro. Os participantes deben mostrar o seu carné de identidade.
Consulta aquí as categorías, as distancias e as os horarios das probas

Aberto o prazo de inscrición no obradoiro de pintura "Arredor do cabalo"

[05-07-2006] Ata o día 23 de xuño, está aberto o prazo de inscrición para poder participar no Obradoiro de Pintura que se celebrará o sábado 24 de xuño como complemento cultural ao III Concurso Nacional de Saltos. O obradoiro está destinado a nenos e nenas de entre 8 e 14 anos e se desenvolverá na Casa da Cultura de Bertamiráns. Hai 30 prazas dispoñibles e as inscricións pódense facer chamando ao teléfono 981 81 58 01.

Menú da Rede Municipal de Comedores Escolares

[05-07-2006] Os pais e nais dos nenos e nenas que comen nos comedores escolares dependentes do Concello, poden consultar o menú desta semana descargando o documento que hai na seguinte ligazón.

Listaxe de admitidos/as na Escola de Verán

[05-07-2006] Consulta aquí a listaxe dos nenos e as nenas admitidos na Escola de Verán. Lembra que o prazo de reclamacións amplíase ata o venres 23 de xuño.

Exposición ao público do regulamento dos comedores escolares

[05-07-2006] O Pleno do pasado 30 de maio aprobou de forma provisional as modificacións do Regulamento de funcionamento dos comedores escolares do Concello de Ames. O novo articulado do regulamento estará exposto ao público ata o mércores, 12 de xullo.

Durante este tempo poderán presentarse as alegacións que se crean convenientes no Rexistro do Concello en horario de 9 a 14 horas de luns a sábado.

O Regulamento de funcionamento dos comedores escolares do Concello de Ames xa modificado, pode descargarse na seguinte ligazón.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925