Concello de Ames

Menú [Saltar]

Concello de Ames

[http://www.concellodeames.org]


Inicio Relaciónate Avisos


Avisos

Consulta pública sobre o Regulamento de participación cidadá do Concello de Ames

[20-09-2018] O Concello de Ames informa que en conformidade co previsto no artigo 133 da Lei 39/2015 de 1 de outubro, do procedemento administrativo común das Administracións Públicas (LPAC), e co obxectivo de contar coa participación da cidadanía no procedemento de elaboración do Regulamento de participación cidadá do concello de Ames, en cumprimento de decreto da Alcaldía 1974/2018, unha consulta pública a través da web municipal, co fin de recadar a opinión das persoas e das organizacións mais representativas, potencialmente afectados polo Regulamento que se pretende aprobar. Hai un prazo para elo de 20 días hábiles, a contar dende o 21 de setembro e ata o día 19 de outubro, ambos inclusive. A forma de participación é a través da dirección electrónica secretaria@concellodeames.gal. Premendo no enlace que está a túa dereita, baixo o apartado de descargas, poderás obter o anuncio de dita consulta pública e mailo Regulamento de Participación Cidadá do Concello de Ames.

Listaxe das prazas libres dispoñibles na Escola Municipal de Música de Ames para o curso 2018-2019

[19-09-2018] A Escola Municipal de Musica de Ames, dependente da Concellaría de Educación e Cultura, fai pública a listaxe coa relación das prazas libres dispoñibles para o curso 2018/2019, co obxectivo de que quen estea interesado se inscriba nas prazas libres que quedan. Deste xeito, na modalidade de música e movemento, quedan 11 prazas libres para nenos/a nados en 2014, e 6 prazas para os nados en 2012; mentres que en canto moderno queda 1 praza libre. O prazo de inscrición vai do 20 ao 27 de setembro. As prazas cubriranse por orde de presentación das solicitudes no rexistro de entrada.

Abre o prazo de preinscrición e renovación de matrícula nas Escolas Deportivas Municipais de Ames

[03-09-2018] Dende o martes, 4 de setembro, pódense realizar os trámites de preinscrición e renovación de matrícula nas Escolas Deportivas Municipais de Ames. O prazo estará aberto ata o 13 de setembro, ás 13:00 horas. As persoas que realicen a preinscrición deben saber que as prazas adxudicaranse nun sorte público que se desenvolverá o 19 de setembro, ás 12:00 horas, no salón de plenos da Casa do Concello. Posteriormente, o venres 21 de setembro, farase pública a listaxe coas persoas admitidas. Este ano destaca a inclusión de catro novas actividades como son o squash (dentro do apartado de Formación deportiva) e as clases de adestramento funcional; ioga e GAP (hipoprensivos) – Aerocombat (dentro do programa de Ponte en forma). As actividades deportivas comezarán a semana do 1 de outubro. Premendo á túa dereita, baixo o apartado de descargas, poderás obter o folleto informativo e maila ficha de inscrición.

Reunión informativa de inicio de curso e xornada de portas abertas da Escola Municipal de Música de Ames

[31-08-2018] A reunión informativa de inicio de curso e xornada de portas abertas da Escola Municipal de Música de Ames, será o venres 14 de setembro, ás 20:00 no Multiusos de Aldeanova. As clases do curso 2018/2019 comezarán o luns 17 de setembro.

Aberto ata o 7 de setembro o prazo de preinscrición no programa municipal de psicomotricidade

[30-08-2018] ] O Concello de Ames, a través da Concellaría de Educación e Cultura, vén de abrir un segundo prazo de preinscrición no programa de psicomotricidade para o curso 2018-2019. De momento quedan prazas dispoñibles en todos os grupos e nos tres colexios onde se imparten estas actividades. Dirixida a crianzas de 3, 4 e 5 anos, a actividade desenvolverase nas aulas de psicomotricidade dos CEIPs A Maía e Agro do Muíño en Bertamiráns e na escola infantil do Milladoiro. O prazo para realizar a preinscrición remata o vindeiro 7 de setembro. Posteriormente, os usuarios/as admitidos/as terán que formalizar a matrícula. Premendo no enlace que está a túa dereita, baixo o apartado de descargas, poderás obter o impreso de preinscrición para participar nesta actividade.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925