Concello de Ames

Menú [Saltar]

Concello de Ames

[http://www.concellodeames.org]


Inicio Relaciónate Avisos


Avisos

O curso de defensa persoal organizado pola A Concellaría de Servizos Sociais e Igualdade e o Centro de Información á Muller de Ames celebra este venres a súa última sesión

[08-05-2019] A Casa da Cultura de Bertamiráns acolle este venres,10 de maio, o tatami sobre o que se impartirá a última sesión do curso de defensa persoal organizado polo Concello de Ames, a través da súa Concellaría de Servizos Sociais e Igualdade e do Centro de Información á Muller. Esta aposta formativa consistiu nun curso de 8 horas impartido os venres 29 de marzo, 12 e 26 de abril, e 10 de maio en horario de 16.30 a 18.30 horas.

Listas provisionais de admitidos/as nas escolas infantís municipais para o curso 2019-2020

[08-05-2019] A Concellaría de Educación e Cultura informa da publicación das listas provisionais de admitidos/as nas escolas infantís municipais (EIM O Bosque de Bertamiráns e EIM A Madalena do Milladoiro) para o curso 2019-2020. Dende a publicación das listas hai un prazo de 10 días hábiles para posibles reclamacións. Unha vez adxudicada de forma definitiva a praza abrirase o prazo de formalización de matrícula entre os días 1 e 15 de xuño. A matrícula hai que tramitala nas propias escolas, en horario de 9.00 a 14.00 horas. Premendo a túa dereita, baixo o apartado de descargas, podes obter as listas provisionais de admitidos/as.

O programa SaudeAndo organiza este xoves, 9 de maio, unha nova andaina saudable en Bertamiráns

[07-05-2019] Este xoves, 9 de maio, celebrarase unha nova andaina saudable con saída e chegada ao centro de saúde de Bertamiráns a partir das 17.30 horas. Esta actividade, ao igual que o resto de andainas encadradas dentro do programa, trátase dunha ruta de dificultade media–baixa, que terá unha duración aproximada dunha hora ou hora e media. Organizadas pola Concellaría de Sanidade de Ames e os centros de saúde de Bertamiráns e Milladoiro, ditas andainas terán lugar en ambas localidades en semanas alternas.

Este xoves, 9 de maio, impártese un novo obradoiro de competencias socioemocionais sobre nutrición e benestar

[07-05-2019] A Concellaría de Servizos Sociais e Igualdade de Ames organiza este xoves, ás 17.00 horas, no Pazo da peregrina, en Bertamiráns, un novo taller dirixido ás mulleres amesás que estará centrado na nutrición e o benestar. Este taller enmárcase dentro dun programa de obradoiros de competencias socioemocionais enfocados no empoderamento feminino, para a adquisición de capacidades e habilidades socioemocionais que favorezan o seu crecemento persoal. Para participar nas actividades deste ciclo non é necesaria inscrición previa.

Este domingo ten lugar unha andaina solidaria pola ruta do Rego da Andoriña organizada pola asociación Solidariedade Galega co Pobo Saharauí

[02-05-2019] O vindeiro domingo, 5 de maio, a asociación Solidariedade Galega co Pobo Saharauí (SOGAPS) organiza unha nova edición da andaina solidaria pola ruta do Rego da Andoriña, en beneficio do programa Vacacións en Paz. Así, o diñeiro recadado irá destinado ao pagamento dos billetes das nenas e nenos saharauís que cada verán veñen a Galicia ao abeiro deste programa. Os participantes partirán ás 10.30 horas da praia fluvial de Tapia. A andaina estará aberta tanto a persoas como a cans, e o prezo será de 5 euros por persoa e 1 euro por can. Para inscribirse nesta camiñada ou obter máis información sobre a iniciativa pode consultarse a través do número de teléfono 646 320 660 ou mediante un correo electrónico ao enderezo eybarra.sogaps@gmail.com. A actividade conta coa colaboración do Concello de Ames e de Supermercados Gadis.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925