Concello de Ames

Menú [Saltar]

Concello de Ames

[http://www.concellodeames.org]


Inicio Relaciónate Avisos


Avisos

Abre prazo de inscrición na Escola de Verán 2019 ata o 16 de maio

[02-05-2019] O Concello de Ames, a través da Concellaría de Educación e Cultura, abre o prazo de inscrición do programa de conciliación familiar Escola de Verán 2019. Mediante este servizo, que se desenvolverá durante os meses de xullo e agosto, búscase facilitar ás familias amesás a conciliación da súa vida familiar e laboral unha vez rematado o curso escolar. O prazo de inscrición remata o vindeiro 16 de maio. Premendo nos enlaces que están a túa dereita, baixo o apartado de descargas, poderás obter o impreso de inscrición e as bases da Escola de Verán 2019.

O programa SaudeAndo organiza unha nova andaina saudable este xoves, 2 de maio, no Milladoiro

[30-04-2019] Este xoves, 2 de maio, celebrarase unha nova andaina saudable con saída e chegada ao centro de saúde do Milladoiro a partir das 17.30 horas. Esta actividade, ao igual que o resto de andainas encadradas dentro do programa, trátase dunha ruta de dificultade media–baixa, que terá unha duración aproximada dunha hora ou hora e media. Organizadas pola Concellaría de Sanidade de Ames e os centros de saúde de Bertamiráns e Milladoiro, ditas andainas terán lugar en ambas localidades en semanas alternas.

Listaxe provisional de admitidas/os nos campamentos municipais de verán 2019

[29-04-2019] O Concello de Ames, a través das Concellarías de Medio Ambiente e Mocidade, fai pública a listaxe provisional de admitidas/os nos campamentos municipais de verán 2019. A listaxe definitiva será publicada o 8 de maio. No caso de que o número de solicitudes supere o número de prazas dispoñibles, realizarase un sorteo público o 13 de maio, ás 12.00 horas, no salón de plenos da Casa do Concello. Os resultados e a lista de agarda publicaríanse o 15 de maio a partir das 14:00 horas. Este ano ofértanse 500 prazas para 11 campamentos diferentes, que se desenvolverán entre o 26 de xuño e o 2 de setembro. Premendo no enlace que está a túa dereita, baixo o apartado de descargas, poderás obter a listaxe completa.

Está aberto o prazo de inscrición para o programa de conciliación municipal Xuño Lúdico

[24-04-2019] O Concello de Ames, a través da Concellaría de Educación e Cultura, abre o prazo de inscrición do programa de conciliación familiar Xuño Lúdico. As inscricións poderán tramitarse ata o 6 de maio. O servizo desenvolverase, tanto no Milladoiro como en Bertamiráns, os días 25, 26, 27 e 28 de xuño, en horario de 7:30h a 16:00 horas. Este programa ofrece un amplo abano de actividades educativas e culturais pensadas para os cativos/as de aquelas familias que precisen conciliar a súa vida familiar e laboral unha vez rematado o curso escolar. Premendo no enlace que está a túa dereita, baixo o apartado de descargas, poderás obter o regulamento, o impreso de inscrición e as tarifas do Xuño Lúdico.

Información sobre o cobro dos recibos dos servizos complementarios e psicomotricidade

[23-04-2019] Dende o departamento de Educación informáselle ás familias usuarias dos servizos de Comedores Escolares, Bos días Cole, Tardes divertidas, así como do programa de psicomotricidade, que o cobro do seguinte recibo realizarase o día 26 de abril de 2019.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925