Concello de Ames

Menú [Saltar]

Concello de Ames

[http://www.concellodeames.org]


Inicio Relaciónate Avisos


Avisos

Mellora da accesibilidade universal nas instalacións da praia fluvial de Tapia. Fondos FEDER Galicia 2014-2020

[28-12-2017] O Concello de Ames foi beneficiario dunha subvención con cargo a Orde do 21 de xullo de 2016, pola que se establecen as bases reguladoras para a concesión de subvencións aos concellos galegos, destinadas á mellora da accesibilidade nos edificios e espazos de uso público, cofinanciadas polo programa operativo Fondo Europeo de Desenvolvemento Rexional Galicia 2014-2020, para os anos 2016 e 2017. Deste xeito, as obras de mellora da accesibilidade na praia fluvial de Tapia (itinerarios, adaptación de mostrador e aseos, praza de aparcamento, mobiliario urbano e guindastre piscina) foron cofinanciadas pola Unión Europea a través do programa operativo FEDER Galicia 2014-2020. Este proxecto tivo o obxectivo (obxectivo temático 9) de promover a inclusión social, loitar contra a pobreza e contra calquera tipo de discriminación. Unha maneira de facer Europa.

Anuncio de notificación de 5 decembro de 2017 en procedemento de declaración de non legalización de obras

[15-12-2017] O Concello de Ames, a través do departamento de urbanismo, informa da publicación no Boletín Oficial do Estado (BOE) dun anuncio de notificación de 5 decembro de 2017 en procedemento de declaración de non legalización de obras. A través deste anuncio emprázase aos interesados para ser notificados por comparecencia. Premendo na ligazón que está a túa dereita, baixo o apartado de descargas, poderás obter o devandito anuncio.

Circular informativa sobre a obtención de documentos substitutivos de bonos usuarios/as ocasionais dos servizos complementarios educativos

[13-12-2017] No traballo de modernizar o servizo e facelo máis accesible aos usuarios/as dende a Concellería de Educación e Cultura, infórmase que dende o 15 de decembro de 2017, cambia o procedemento para realizar o pagamento dos usos ocasionais dos servizos complementarios educativos: Bos Días, Tardes Divertidas e Comedor. Premendo nas ligazóns que están a túa dereita, baixo o apartado de descargas, poderás obter a circular informativa sobre este asunto e un documento cos pasos que hai que seguir para realizar a autoliquidación dos bonos.

Abre o prazo para votar polo mellor deportista de Ames no ano 2017, que será galardoado co premio do público na XII Gala do Deporte

[13-12-2017] O goberno municipal acaba de publicar na páxina web municipal un banner cunha enquisa na que se pode votar polo mellor deportista de Ames de 2017. Este é o segundo ano consecutivo que se pon en marcha esta iniciativa para elixir un dos premios que se entregará na XII Gala do Deporte, que está previsto que se celebre a comezos do vindeiro mes de febreiro. As votacións poderanse realizar ata o vindeiro 17 de xaneiro na páxina web municipal. O resto de premios daranse a coñecer, ao igual que nas dúas edicións anteriores, no momento da celebración do evento.

Impreso de inscrición para os obradoiros de Nadal que organiza a OMIX de Ames

[13-12-2017] Premendo na ligazón que está a túa dereita, baixo o apartado de descargas, poderás obter a ficha de inscrición que hai que cubrir e entregar para participar nas actividades e obradoiros, que organiza a Oficina Municipal de Información Xuvenil de Ames, e que están incluídos na programación de Nadal de 2017.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925