[http://www.concellodeames.org]
Axenda: luns 26 de xuño 2017
A Arte de Aprender: unha exposición que recolle o traballo realizado polo alumnado da EIM A Madalena
Desde o 7 de xuño e ata o día 26, poderase ver, na Casa da Cultura do Milladoiro, a exposición “A Arte de Aprender”: escolma dos traballos feitos polas nenas e nenos da escola infantil a Madalena, ao longo deste ano lectivo.
O eixo central dos traballos presentados é a experimentación e a descuberta do mundo, a través das diferentes técnicas plásticas empregadas. As obras representan diferentes momentos do ano vividos polo alumnado na escola infantil: o paso das estacións, o Día da Paz, as celebracións do Entroido e do Nadal...
VI Campus de Fútbol Bertamiráns FC
Do 26 ao 30 de xuño celébrase o VI Campus de Fútbol Bertamiráns FC, nas instalacións do campo de fútbol municipal de Bertamiráns.
A actividade está dirixida a nenas e nenos entre os 5 e os 14 anos.
IV Campus de Fútbol da Fundación Celta de Vigo
O IV Campus de fútbol da Fundación Celta de Vigo terá lugar, no campo municipal de fútbol do Milladoiro, entre o 26 e o 30 de xuño.
Este evento deportivo realizarase de luns a venres, en horario de 10:00 a 14:00, a excepción do venres, 30 de xuño, no que as rapazas e rapaces irán coñecer o Estadio de Balaídos.
Para inscribirse hai que acceder á paxina web da Fundación Celta de Vigo (www.fundacioncelta.com).
Máis do concello
Aviso legal | Accesibilidade | RSS
© Concello de AmesPraza do Concello, 2, Bertamiráns. Tel: 981 883 002 - Fax: 981 883 925