Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Convocatorias


Convocatorias

Neste apartado podes consultar os prazos e requirimentos para solicitar axudas e subvencións, coñecer as convocatorias de emprego público e os concursos e subastas de licitacións públicas do Concello de Ames. Para poder visualizar as convocatorias tes que navegar polas categorías do teu interese.


Convocatoria de axudas destinadas ao apoio económico das familias numerosas de Ames (exercicio 2016)

[19-10-2016] O Concello de Ames informa sobre a convocatoria de axudas destinadas ao apoio económico das familias numerosas do municipio. A contía total destinada a estas axudas é de 120.000 euros e a axuda consistirá no pagamento de 1.200 euros por unidade de convivencia. Con este tipo de iniciativas, o Concello de Ames pretende axudar a aquelas familias que máis dificultades teñen para a crianza dos seus fillos e fillas. Premendo no enlace que está a túa dereita, baixo o apartado de descargas, poderás consultar as bases desta convocatoria de axudas e imprimir o impreso de solicitude.

Convocatoria de axudas para a promoción de actividades realizadas no ano 2016 por clubs e asociacións deportivas

[19-10-2016] O Concello de Ames informa sobre a convocatoria de axudas para a promoción de actividade levadas a cabo no exercicio 2016 por clubs e asociacións deportivas. A contía destinada a esta convocatoria ascende a 50.000 euros. O importe individual das achegas concedidas ao abeiro desta convocatoria non poderá superar os 8.000 euros. Os obxectivos destas axudas son achegar a práctica deportiva ao maior número posible de individuos e promover a participación activa dos veciños e veciñas no deporte, como medio de promover a formación dos máis novos e de propiciar a convivencia. Premendo no enlace que está a túa dereita, baixo o apartado de descargas, poderás consultar as bases desta convocatoria de axudas e imprimir o impreso de solicitude.

Convocatoria de axudas para a adquisición de libros de texto e material escolar destinado ao alumnado de segundo ciclo de educación infantil (curso 2016-2017)

[10-10-2016] O Concello de Ames informa sobre a convocatoria de axudas para a adquisición de libros de texto e material escolar destinado ao alumnado de segundo ciclo de educación infantil para o curso 2016-2017. A contía máxima destinada a esta convocatoria de axudas ascende a 18.500 euros. O prazo de presentación de solicitudes queda establecido entre o 14 de outubro e o 12 de novembro.

Resolución das alegacións presentadas á fase de baremación do proceso selectivo para a provisión de dous técnicos de inserción laboral (InserAmes-Brión IX)

[03-10-2016] O Concello de Ames, a través do departamento de Persoal, vén de publicar a resolución de alegacións ao resultado da baremación e proposta de resolución do proceso selectivo para a provisión, polo procedemento de urxencia, con carácter temporal e ao 85% da xornada, de dous postos de persoal laboral na categoría de técnico medio de inserción laboral/prospección de empresas; no ámbito do desenvolvemento das accións do programa integrado para o emprego “InserAmes-Brión IX 2016-2017”. Premendo á túa dereita, baixo o apartado de descargas, poderás obter a devandita resolución.

Resultado da fase de oposición do proceso selectivo para a provisión de dous técnicos de inserción laboral (InserAmes-Brión IX)

[30-09-2016] O Concello de Ames, a través do departamento de Persoal, vén de publicar o resultado da fase de oposición do proceso selectivo para a provisión, polo procedemento de urxencia, con carácter temporal e ao 85% da xornada, de dous postos de persoal laboral na categoría de técnico medio de inserción laboral/prospección de empresas; no ámbito do desenvolvemento das accións do programa integrado para o emprego “InserAmes-Brión IX 2016-2017”. Premendo á túa dereita, baixo o apartado de descargas, poderás obter o devandito anuncio.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925