Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Convocatorias


Convocatorias

Neste apartado podes consultar os prazos e requirimentos para solicitar axudas e subvencións, coñecer as convocatorias de emprego público e os concursos e subastas de licitacións públicas do Concello de Ames. Para poder visualizar as convocatorias tes que navegar polas categorías do teu interese.


Convocatoria de axudas para a promoción de actividades realizadas no ano 2015 por clubs e asociacións deportivas

[26-05-2015] O Concello de Ames informa das bases da convocatoria de axudas para a promoción de actividades levadas a cabo no exercicio 2015 por clubs e asociacións deportivas. A contía destinada a esta convocatoria ascende a 50.000 euros. Os obxectivos destas axudas son achegar a práctica deportiva ao maior número posible de individuos e promover a participación activa dos veciños e veciñas no deporte, como medio de promover a formación dos máis novos e de propiciar a convivencia.

Lista provisional de admitidos e excluídos no proceso selectivo para a cobertura de seis vixiantes para as piscinas descubertas municipais

[19-05-2015] O departamento de Persoal fai pública a lista provisional de admitidos e excluídos no proceso selectivo para a cobertura de seis vixiantes para as instalacións das piscinas descubertas municipais do Concello de Ames. Os/as interesados/as poderán presentar as reclamacións que estimen convenientes no prazo de 10 días hábiles, que remata o vindeiro día 30 de maio de 2015. Premendo no enlace que está a túa dereita, baixo o apartado de descargas, poderás obter a devandita lista provisional.

Listas provisionais de admitidos e excluídos no proceso selectivo dunha bolsa de traballo de asesores xurídicos do departamento de urbanismo

[12-05-2015] O Concello de Ames informa de que xa están expostas as listas provisionais de admitidos e excluídos do proceso selectivo para a creación dunha bolsa de traballo de asesores xurídicos do departamento de urbanismo. Premendo no enlace que está a túa dereita, baixo o apartado de descargas, poderás consultar estas listas. O prazo para a subsanación de documentación remata o vindeiro 25 de maio de 2015.

Proceso de selección e contratación de seis vixiantes para as piscinas descubertas municipais do Concello de Ames

[29-04-2015] O Concello de Ames acaba de convocar un proceso de selección e contratación de seis vixiantes para as piscinas descubertas municipais durante o verán de 2015. O prazo para a presentación de solicitudes é de 10 días hábiles e empeza a contar a partires do día seguinte a súa publicación, é dicir, finaliza o vindeiro 12 de maio. O modelo de solicitude, o temario, o impreso de declaración xurada e o contido íntegro das bases, poderán acadarse e consultarse polos/as interesados/as na oficina do Servizo de Recursos Humanos do Concello de Ames e premendo nas ligazóns que están a túa dereita, baixo o apartado de descargas.

Listas provisionais de admitidos e excluídos no proceso selectivo de educadores/asistentes infantís

[24-04-2015] O Concello de Ames informa de que xa están expostas as listas provisionais de admitidos e excluídos do proceso selectivo para a creación dunha bolsa de traballo de educadores/asistentes para as escolas infantís do Concello, actualmente O Bosque e A Madalena. Premendo no enlace que está a túa dereita, baixo o apartado de descargas, poderás consultar estas listas. O prazo para a subsanación de documentación remata o vindeiro 7 de maio de 2015.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925