Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Convocatorias


Convocatorias

Neste apartado podes consultar os prazos e requirimentos para solicitar axudas e subvencións, coñecer as convocatorias de emprego público e os concursos e subastas de licitacións públicas do Concello de Ames. Para poder visualizar as convocatorias tes que navegar polas categorías do teu interese.


Abre o prazo para participar nas convocatorias de axudas para a promoción de festas populares e de actividades levadas a cabo por asociacións culturais

[25-10-2018] A Xunta de Goberno Local aprobou o pasado 18 de outubro as convocatorias de axudas para a promoción de festas populares e de actividades levadas a cabo por asociacións culturais (exercicio 2018). Hoxe, 25 de outubro, ditas bases saen publicadas no Boletín Oficial da Provincia da Coruña (BOP). O prazo de presentación de solicitudes permanecerá aberto do 26 de outubro ao 26 de novembro. As solicitudes, xunto co resto da documentación, presentarase no Rexistro Electrónico Xeral do Concello de Ames, o na sede electrónica do Concello (https://sede.concellodeames.gal/es/). Igualmente poderá presentarse no Rexistro electrónico do Punto de Acceso Xeral do Estado (REC), ao que se pode acceder desde o enlace dispoñible na sede electrónica do Concello de Ames.

Convocatoria de axudas para a adquisición de libros de texto e material escolar destinadas ao alumnado do segundo ciclo de educación infantil (curso 2018-2019)

[17-10-2018] O Concello de Ames, a través da Concellaría de Educación e Cultura, informa da publicación no Boletín Oficial da Provincia (BOP) da convocatoria de axudas, para a adquisición de libros de texto e material escolar destinadas ao alumnado do segundo ciclo de educación infantil (curso 2018-2019). O prazo de presentación de solicitudes permanecerá aberto do 18 de outubro ao 16 de novembro. A contía máxima destinada a esta convocatoria ascende a 8.500 euros, sendo de 120 euros o importe máximo concedido por cada nena ou neno. Premendo no enlace que está á dereita, baixo o apartado de descargas, poderás consultar as bases desta convocatoria de axudas e imprimir o impreso de solicitude.

Convocatoria de axudas destinadas ao apoio económico das familias numerosas do municipio (exercicio 2018)

[13-09-2018] O Concello de Ames, a través da Concellaría de Servizos Sociais, informa de que este xoves, 13 de setembro, saíu publicada, no Boletín Oficial da Provincia (BOP), a convocatoria de axudas destinadas ao apoio económico das familias numerosas do municipio. A contía total destinada a estas axudas é de 120.000 euros, sendo de 1.200€ o máximo do importe individual concedido a cada unidade familiar. Con esta iniciativa, o goberno municipal pretende axudar a aquelas familias que máis dificultades económicas teñan para a crianza das súas fillas e fillos. As persoas interesadas poderán presentar as solicitudes no Rexistro Xeral, de xeito presencial, ou a través da Sede electrónica, no prazo dun mes. Para obter máis información pódese chamar aos números de teléfono 981 535 941 e 981 890 964.

Convocatoria de axudas para a promoción de actividades levadas a cabo polas ANPAS (exercicio 2017)

[04-09-2018] O Concello de Ames aprobou a convocatoria de axudas para sufragar as actividades levadas a cabo polas ANPAS durante o exercicio 2017. Para este fin destínase un total de 20.000 euros. Poderán optar a estas subvencións as ANPAS existentes nos centros educativos de titularidade pública do Concello de Ames, legalmente constituídas, e que figuren inscritas no Rexistro Municipal de Asociacións, sempre e cando os datos da inscrición estean debidamente actualizados ao momento de solicitar a achega. Os conceptos subvencionables son os de viaxes culturais, actividades extraescolares, organización de encontros e xornadas e mailo de mobiliario e material didáctico. Premendo nos enlaces que están a túa dereita, baixo o apartado de descargas, poderás obter as bases e os impresos de solicitude destas axudas.

Convocatoria de subvencións para a promoción do comercio no Nadal de 2017

[27-12-2017] Este pasado martes, 26 de decembro, saíron publicadas no Boletín Oficial da Provincia (BOP) as bases que regulan a convocatoria de subvencións para a promoción do comercio durante o Nadal de 2017. Esta nova liña de axudas, dotada de 30.000 euros, está incluída dentro do plan estratéxico de subvencións para os exercicios 2017, 2018 e 2019 aprobado en pleno o pasado 29 de maio de 2017. Poderán ser subvencionados ata un máximo do 80% as actividades de promoción comercial no Nadal realizadas por asociacións de comerciantes entre o 1 de decembro de 2017 e o 7 de xaneiro de 2018. O prazo para presentar as solicitudes é de un mes, contado desde o día seguinte á publicación desta convocatoria no BOP. Premendo no enlace que está a túa dereita, baixo o apartado de descargas, poderás obter as bases desta convocatoria de axudas.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925