Ayuntamiento de Ames

Menú [Saltar]

Ayuntamiento de Ames

[http://www.concellodeames.org]


Inicio Ames digital Noticias Ames realiza unha...


Ames realiza unha campaña de educación ambiental en relación á reciclaxe do aceite doméstico

[19-02-2019] A Concellaría de Medio Ambiente está realizando unha campaña de educación ambiental en relación á reciclaxe do aceite doméstico, que consiste nunha serie de charlas que está impartindo o persoal da empresa Compostela Inserta, contratada polo Concello de Ames, nos CEIP de Barouta, Agro do Muíño, e A Maía. Nestas charlas explícaselle ao alumnado de 4º, 5º e 6º de primaria a importancia de separar o lixo en orixe, así como a reciclaxe do aceite doméstico. Para iso entregáselle un embude a cada un dos nenos/as, para facilitar a reciclaxe nos fogares, e un mapa coa distribución dos colectores de aceite que existen no termo municipal.

No pasado mes de decembro a Concellaría de Medio Ambiente puxo en marcha unha campaña co obxectivo de favorecer a reciclaxe do aceite doméstico. Para iso repartíronse embudes co obxectivo de facilitar a reciclaxe deste produto desde os fogares. Ditos embudes pódense recollerse na oficinas do departamento de Medio Ambiente, situadas na Casa do Concello, en Bertamiráns; e na conserxería da Casa da Cultura do Milladoiro.

Con esta campaña búscase concienciar á poboación da importancia da reciclaxe do aceite doméstico, diminuír a carga contaminante nos ríos e mares e rendabilizar o funcionamento das depuradoras. Asemade, quérese facer fincapé na importancia de que sexa precisamente o aceite usado unha das formas de fabricar biodiésel, carburante menos contaminante.

Agora, dáse un paso máis dentro desta campaña para fomentar a reciclaxe do aceite doméstico entre o alumnado dos colexios de Ames. Deste xeito, a semana pasada impartíronse unha serie de charlas nos CEIP de Barouta e Agro do Muíño, para explicarlle ao alumnado de 4º, 5º e 6º de primaria a importancia de separar o lixo en orixe, así como a reciclaxe do aceite doméstico. Estas mesmas charlas vanse a impartir esta semana entre o alumnado do CEIP da Maía. Ao final da actividade entrégaselle un embude a cada un dos nenos/as, para facilitar a reciclaxe nos fogares, e un mapa coa distribución dos colectores de aceite que existen no termo municipal.

As charlas de sensibilización son impartidas a través do persoal da empresa Compostela Inserta. O obxectivo de dita campaña é fomentar que o alumnado tome conciencia e comence a facer unha xestión eficiente dos residuos, en especial do aceite, e impulse a toda a familia a implicarse na reciclaxe. Colectores de recollida de aceite usado
Os colectores de recollida de aceite usado están repartidos do seguinte xeito: 8 colectores en Bertamiráns (4 na avenida da Maía e 1 nas seguintes rúas: Arrucheiro, Alcalde Lorenzo, Camiño Novo e Poeta da Maía); 12 no Milladoiro (4 en Rosalía de Castro e 1 nas seguintes zonas: Praza de Manuel Murguía con Raxoeira, Agro do Medio, Costa Grande, Estivada de Castelao, Madalena, Palmeiras, Pardiñeiros e na Casa da Cultura); 1 nas urbanizacións de Aldea Nova e Mimosas; e 1 colector en cada unha das cinco parroquias máis poboadas do concello; Ames, Bugallido, Covas, Biduído e Ortoño (na urbanización de Agro do Muíño). Nas seis parroquias restantes colocouse un bidón nos locais sociais de cada unha delas.

O concelleiro de medio Ambiente, Javier García, destaca a importancia “de que os nenos e nenas coñezan de primeira man a importancia que ten reciclar o aceite doméstico usado, xa que ten un alto impacto ambiental. O obxectivo é que os rapaces e rapazas impliquen a toda a familia na reciclaxe. O aceite nos ríos incrementa a carga contaminante creando capas na superficie da auga que impiden o paso do osíxeno e con iso o desenrolo da vida acuática. Ademais, co aceite procedente do fogar prodúcese biodiésel, podéndose usar como combustible, xa que as emisións do biodiésel son menos contaminantes”, indica Javier García.

Aviso legal | Accesibilidad | RSS

© Ayuntamiento de Ames
Praza do Concello, 2, Bertamiráns. Tel: 981 883 002 - Fax: 981 883 925