Ayuntamiento de Ames

Menú [Saltar]

Ayuntamiento de Ames

[http://www.concellodeames.org]


Inicio Ames digital Noticias


Noticias

As mulleres de Ames enchen a praza do Concello con motivo da folga feminista do 8M

[08-03-2019] Esta mañá, ás 12.00 horas, realizouse unha manifestación diante da Casa do Concello con motivo da folga feminista do 8M. Moitas veciñas e veciños, traballadoras/es do Concello, membros dos grupos políticos con representación na Corporación municipal e integrantes da Plataforma Feminista Galega de Ames, participaron en dita concentración enchendo a praza do Concello. Ao finalizar a manifestación, as participantes que quixeron, desprazáronse ata o Pazo da Peregrina, para ultimar os ensaios dos cantos e a coreografía que se desenvolverá na concentración da tarde, que sairá da Praza 8 de marzo de Santiago de Compostela.

Inscríbete na nova actividade de Apego que chega a Ames da man de Cé Orquestra Pantasma

[07-03-2019] Xa está aberta a inscrición para asistir ao concerto infantil A voar, do Cé Orquestra Pantasma que chega á Casa da Cultura do Milladoiro o próximo 15 de marzo. A actividade, que se realiza ao abeiro do programa Apego, está destinada a familias con nenos de máis de dous anos. Para inscribirse é necesario enviar un correo electrónico antes do 13 de marzo ao enderezo normalizacion@concellodeames.gal no que apareza o nome da actividade, os nomes, apelidos e idade dos participantes, así como un teléfono de contacto.

O CEIP de Barouta celebrou o Día Mundial da Radio cun programa especial en colaboración co CPI Virxe da Cela de Monfero

[07-03-2019] Ao gallo do Día Mundial da Radio, celebrado o pasado 13 de febreiro, o alumnado do CEIP de Barouta e do CPI Virxe da Cela de Monfero colaboraron na realización dun programa de radio especial con entrevistas, reportaxes e moitas reflexións. Os rapaces e rapazas visitaron as instalacións de Ames Radio o venres 8 de febreiro, onde levaron a cabo a gravación do programa. Esta non é a primeira actividade radiofónica na que interveñen os e as nenas/os de ambos centros, posto que participan en varias actividades relacionadas coa radio ao longo do curso.

Ames únese para conmemorar o Día Internacional das Mulleres cun programa centrado na reivindicación

[07-03-2019] Esta mañá comezaron os actos programados en Ames co gallo do Día Internacional das Mulleres. Así, o Concello organizou Muller Arbórea, unha xornada no IES de Bertamiráns que consistiu na lectura do manifesto institucional por parte de varios membros do goberno municipal, a plantación de dúas árbores por parte de alumnos e un concerto de poesía teatralizada. Durante o acto reivindicouse a loita cara a igualdade de sexos, ao tempo que o alumnado realizou unha homenaxe a varias figuras importantes do movemento feminista. Os eventos continuarán mañá ás 12.00h cunha concentración na Praza do Concello convocada pola Plataforma Feminista galega.

A aula CeMIT prepárase para a primavera cunha ampla variedade de actividades na súa programación

[06-03-2019] A Aula CeMIT de Ames, situada na Casa da Cultura de Bertamiráns, presenta a súa programación para os meses de marzo e abril, con cursos para adultos e actividades para os/as máis cativos/as. Ademais, con motivo do Entroido e a Semana Santa, organízanse varios obradoiros para crianzas e adolescentes. Para obter máis información ou para reservar praza en calquera destas actividades, as persoas interesadas pódeno facer a través da páxina web do CeMIT (https://cemit.xunta.gal/gl/centro/9), achegándose á propia aula, chamando ao número de teléfono 662 371 511 ou enviando un correo electrónico ao enderezo cemit.ames@xunta.gal.


Aviso legal | Accesibilidad | RSS

© Ayuntamiento de Ames
Praza do Concello, 2, Bertamiráns. Tel: 981 883 002 - Fax: 981 883 925