Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Novas


Novas

O Concello de Ames garda un minuto de silencio polo atentado na cidade de Manchester

[23-05-2017] O Concello de Ames realizou esta mañá, ás 12:00 horas, unha concentración diante da Casa do Concello, en Bertamiráns, e diante das oficinas municipais do Milladoiro en repulsa do atentado que ocorreu a pasada noite na cidade inglesa de Manchester. A atentado foi provocado por un terrorista suicida que fixo estoupar un artefacto explosivo xunto ao recinto de espectáculos Manchester Area.

O centro deportivo da Telleira convértese nun novo centro BeOne con novos servizos e un trato máis persoal cos usuarios

[23-05-2017] As instalacións do Centro deportivo municipal A Telleira, situado na localidade de Bertamiráns, acolleron a presentación da nova marca da empresa Serviocio, BeOne, coa que a compañía concesionaria xestionará o complexo de Ames. Ao acto acudiron o alcalde de Ames, José Miñones, o director da instalación, Borja Martínez, e representantes da empresa concesionaria. Este centro conta cunha media diaria de arredor de 600 usuarios/as.

O alumnado amesán tende ao sol arredor de 100 poemas galegos ilustrados no paseo fluvial de Bertamiráns e nos Camiños Portugués e de Fisterra

[23-05-2017] O alumnado e profesorado dos centros de ensino de educación infantil e primaria de Ames realizaron unha selección de poemas de escritores e escritoras en lingua galega que teñen como temática xeral a natureza. Nesa selección tamén se incluíron algúns poemas creados pola propia rapazada. Os poemas plasmáronse en siluetas de lona con forma dunha peza de roupa e todas esas pezas de roupa, convertidas en obras de arte, colgáronse nos tendais dispostos polo Concello no paseo fluvial de Bertamiráns, na Travesía do Porto do Milladoiro e no Monte Escolar de Carballo, en Trasmonte. A exposición artístico poética ao aire libre permanecerá nos tendais ata o día 20 de xuño para que toda a veciñanza e todas as persoas que visiten o noso concello poidan gozar da frescura das nosas letras. Esta actividade encádrase no programa das Letras Galegas do Concello de Ames.

Abre o prazo para realizar a matrícula nos campamentos municipais de verán

[22-05-2017] Este luns, 22 de maio, abre o prazo para formalizar a matrícula nos campamentos municipais de verán. Os pais e nais cos nenos/as admitidos nesta actividade deberán facer efectiva a súa matrícula nos campamentos de verán seleccionados, cubrindo o impreso para tal efecto e axuntando a documentación que se solicita nas bases dos campamentos. Os impresos de matrícula pódense recoller no departamento de Medio Ambiente, na Casa do Concello, e nas Oficinas xerais do Milladoiro, mentres que o modelo de autoliquidación enviaráselle por correo electrónico ás persoas que así o solicitaron e o resto terán que recollelo na oficina de recadación municipal de Bertamiráns, situada na praza Horta de Abaixo, número 6, local 18.

Máis dun cento de persoas participan na primeira xornada formativa sobre a inclusión socioeducativa e o trastorno do espectro autista

[22-05-2017] O auditorio da Casa da Cultura de Bertamiráns acolleu este pasado sábado, 20 de maio, a primeira xornada formativa sobre o trastorno do espectro autista (TEA), na que se abordaron os recursos para a inclusión socioeducativa das persoas que padecen esta doenza. Na inauguración desta xornada estiveron o concelleiro de Educación e Cultura, David Santomil, a vicepresidenta da Deputación da Coruña, Goretti Sanmartín, o impulsor desta iniciativa, Marcos Pinaque, así como representantes das entidades colaboradoras. A finalidade desta xornada foi promover a sensibilización e formación dos traballadores das institucións culturais para que poidan facilitar a inclusión social das persoas con TEA nas bibliotecas, nos museos, nos centros educativos e na universidade.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925