Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Novas


Novas

As bibliotecas preparan unha comparsa de piratas para o Entroido

[15-02-2006] Unha comparsa de piratas será o froito final de todas as actividades que co gallo do Entroido poñen en marcha as Bibliotecas de Ames. Previamente, e enmarcadas na campaña de animación á lectura que durante todo o ano levan a cabo as bibliotecas, realizaranse actividades de contacontos, xogos de pistas e unha exposición de libros de piratas. O tema central de todas estas actividades é o mundo dos piratas.

Comeza a fase de formación do programa EQUAL

[14-02-2006] 24 beneficiarios dos concellos de Ames, Val do Dubra e Brión asistiron a primeira clase do programa EQUAL. Con esta primeira clase iníciase a fase de formación deste programa comunitario que ten como finalidade o fomento da cultura emprendedora para grupos con alto risco de exclusión laboral. Á clase asistiron o alcalde de Ames, Carlos A. Fernández e a concelleira de Desenvolvemento Local, Obdulia Vila.

O xoves bota a andar o Foro de Paticipación Cidadá da Axenda 21 Local

[14-02-2006] ¿Como se pode conseguir que Ames sexa máis sustentable?. ¿Temos algo que dicir os veciños?. A estas dúas preguntas intenta dárlles resposta a Axenda 21 Local na que o Concello de Ames leva traballando máis de un ano. Sen embargo para alcanzar esa resposta fai falla a implicación de todos os veciños dado que son eles xunto coa administración os que deben definir como queren que sexa o Ames do futuro. Un dos primeiros pasos que se van dar é o de crear un foro de participación cidadá que se constituirá este mesmo xoves, día 16 de febreiro.

Os rapaces achéganse á arte contemporánea

[14-02-2006] Os colexios de Ames iniciaron esta mañá unha serie de visitas ao Pazo da Peregrina para gozar da exposición "Contexturas", realizada polo artista plástico P Palomar. Case 400 rapaces e rapazas dos centros educativos observarán ata o venres os cadros elaborados con material de refugallo polo autor que, ademais, é o seu guía durante a visita. A exposición estará aberta ata o 25 de febreiro.

Ampla participación na I Duatlón Popular Concello de Ames

[13-02-2006] O bo tempo favoreceu a participación masiva na I Duatlón Popular Concello de Ames que, organizada pola Concellaría de Cultura e Deportes, congregou a 223 deportistas entre afeccionados e federados. Antón Ruanova do club Bricosa conseguiu o primeiro posto na categoría senior de deportistas federados, mentres que Luis Calvo gañou esta mesma categoría na modalidade de afeccionados.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925