Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Novas


Novas

O Concello pon en marcha o "Mouchobús" durante a ponte

[14-05-2007] Que non haxa que coller o coche para saír de marcha durante esta longa ponte marcada por un xoves no que cadran as Letras Galegas e mais a Ascensión. Esa é a idea coa que a Concellaría de Mocidade pon a funcionar desde o mércores un novo servizo, o "Mouchobús". Trátase dun servizo de autobús nocturno que segue a estela do Noitebús promovido con anterioridade pola Xunta, só que neste caso hai dúas diferenzas salientables: que será de balde e que Ames é o único concello da volta onde haberá transporte para ir e vir de festa con total seguridade.

Día 17: día das Letras e da Internet

[14-05-2007] O día 17 de maio é o Día das Letras Galegas. A estas alturas xa case non fai falla recordar a data, que este ano se dedica a María Mariño. Porén, o que se sabe menos é que o 17 tamén é o día Mundial da Internet e das Telecomunicacións. Tan afortunada cadrada dá pé para que moitas das actuacións que se desenvolven arredor da promoción do galego teñan unha importante compoñente tecnolóxica. En Ames a aula de informática de Bertamiráns será un dos principais puntos de encontro entre a lingua e as TIC durante esta semana e a que vén.

Os premios do IV Certame Literario confirman a Ames como canteira de novos escritores

[14-05-2007] Seis dos premiados repiten. Soúbose despois de abrir as plicas e comprobar que nunha media ducia de casos os nomes que se agochaban baixo os pseudónimos coincidían cos que xa levaran premio o ano pasado. Soúbose tamén que unha boa parte dos premiados naceron ou viven no Concello o que ven amosar que Ames conta na actualidade cun importante viveiro de promesas literarias. Os primeiros premiados de cada unha das categorías lerán as súas obras nun acto literario e musical que se levará a cabo na Casa da Cultura do Milladoiro o Día das Letras Galegas ás seis da tarde.

Teatro para rir de medo

[13-05-2007] A Casa da Cultura de Bertamiráns acolle hoxe a partir das 17 horas o espectáculo Buh da Compañía "Berrobamban Teatro", unha peza na que o medo se viste cun nariz de paiaso para rirse del mesmo e para facer rir a toda a familia.

O proxecto Amorodo promove a Feira do Produto caseiro

[11-05-2007] O Proxecto Amorodo que se está a desenvolver por iniciativa dos concellos de Ames, Rois e Dodro, co cofinanciamento da Deputación de A Coruña, promove a Feira o produto caseiro. A feira terá lugar no campo da festa de Rois o vindeiro 15 de maio, no marco da Festa de San Cidre. Na feira estará presente o stand do proxecto.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925