Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Novas


Novas

Aviso de temporal de auga e vento

[05-12-2006] Aínda que a semana pasada houbo un aviso de temporal que finalmente se saldou cuns simples orballos, desta vez a cousa é distinta. Desde primeiras horas da mañá xa estamos sentindo a forza da choiva e do vento producidos por unha fronte fría que está cruzando Galicia. Meteogalicia cualificou a alerta por choiva como amarela e a de vento como laranxa. Prevese que o temporal remita cara ás 5 da tarde de hoxe.

Máis de medio cento de persoas con destino á neve...se a hai

[05-12-2006] Este mércores, día da Constitución, marchan as 52 persoas que van participar na viaxe á estación invernal de San Isidro para pasaren unha longa ponte na neve. Porén, as temperaturas non baixaron aínda dabondo e é moi posible que San Isidro reciba aos excursionistas cunha paisaxe aínda outonal. Aínda así o programa mantense e hai grandes probabilidades de que nos próximos días as pistas se cubran cun ansiado manto branco que lle dea a saída oficial á temporada dos deportes de inverno.

Un vehículo queda estragado despois de se incendiar

[04-12-2006] Pasaban pouco das nove da mañá cando unha nai que achegaba á escola infantil municipal de Bertamiráns ao seu pequeno asistiu con impotencia a ver como lle ardía o coche. Segundo parece o vehículo -un Opel Corsa- puido ter sufrido un problema eléctrico antes de quedar reducido a ferralla. O incidente, que se produciu diante da E.I.M. o Bosque, non produciu feridos nin tampouco unha situación de perigo que obrigase a desaloxar o centro.

Os excursionistas que viaxaron a Cambados volveron cargados de viño, xabón e lotaría

[04-12-2006] Viño e xabóns... os autobuses de volta dos 240 amienses que esta fin de semana viaxaron á zona de Cambados convertéronse nun auténtico paraíso de olores e fragancias. Iso si: todo o arrecendo tiña a sinatura dos produtos que os excursionistas mercaron na antiga fábrica de cosméticos da Toxa, hoxe convertida en tenda e museo. Un día claro de sol e boa temperatura, propicio para o paseo, favoreceu o desenvolvemento desta viaxe que organizou a Concellaría de Cultura, dentro do programa Coñecendo o país. Polas rutas do viño.

Vítor Vicente preséntase á comunidade educativa

[04-12-2006] O novo concelleiro de Educación de Ames comezou hoxe a súa rolda de visitas polo concello para establecer os primeiros contactos coa comunidade educativa. Esta mañá reuniuse coa directora do Bispo Guerra Campos para tratar o seu primeiro asunto da axenda de traballo: a dotación de equipamento audiovisual para a nova biblioteca do centro.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925