Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Novas


Novas

O galego na administración...de hai oito séculos

[05-09-2006] Nestes tempos en que o uso do galego en diferentes eidos da administración ten adeptos e detractores, cómpre botar a mirada atrás e ver se noutras épocas a nosa lingua se empregaba de forma habitual non só na fala, senón tamén nos textos legais. A normalizadora lingüística do Concello, Raquel Rodríguez, achega luz sobre a cuestión dentro da tese de doutoramento na que está traballando. Unha parte da investigación que desenvolve exporase a semana que vén no Brasil dentro da oitava edición do Congreso Internacional de Estudos Galegos. A lingüista do SNL destaca que o galego era a lingua habitual dos notarios e escribáns a partir do 1200 e que a estrutura formal dos textos "é case idéntica" á que se observa nos documentos notariais da actualidade.

Os servizos de extinción apagan un novo lume en Sisalde

[05-09-2006] Esta tarde o lume volveu saltar no monte. Desta vez tocoulle a Sisalde, na parroquia de Ortoño. Porén, a rápida intervención dos equipos de extinción e os medios dos que dispuñan lograron acabar coas lapas en pouco máis de dúas horas. Malia que o lume puido terse achegado a varias vivendas da zona, a cousa non pasou dun susto.

Os contos de verán danlle o relevo aos de inverno

[04-09-2006] "Asistencia multitudinaria nun día magnífico, así pechamos as bibliopiscinas", afirmou a concelleira de Educación, Comunicación Social e Patrimonio, Pilar Candocia. Os máis de 250 nenos e nenas que se congregaron na praia fluvial de Tapia durante a tarde do domingo gozaron durante os meses de xullo e agosto do contacto cos libros a través dun programa de lecer. Como recompensa ao traballo realizado houbo contos, música, teatro e, por suposto, xogos.

223 deportistas participaron no XXI Descenso do Tambre

[04-09-2006] Marcos Terdazo Modía, do club de piragüismo Río Verdugo foi o gañador absoluto do XXI Descenso do Tambre que se celebrou o domingo, 3 de setembro, na praia fluvial de Tapia. 44 deportistas disputaron esta proba e 179 máis participaron no circuíto organizado na praia fluvial para as categorías dos máis pequenos. O tempo seco e soleado favoreceu o desenvolvemento desta proba que organizaron conxuntamente o club de piragüismo Riberas do Tambre e a Concellaría de Cultura e Deportes.

Piragüistas e lectores de verán danse cita este domingo na praia fluvial de Tapia

[03-09-2006] O marco da praia fluvial de Tapia acolle hoxe a festa de clausura das Bibliopiscinas e o XXI descenso do Tambre. O teatro de Trinke Trinke e a música dos Migallas misturaranse coa presenza dos palistas que participen neste torneo de piragüismo. O entorno dará logo cobertura ao teatro, á música, ao xogo e ao deporte, aproveitando a excepcionalidade do emprazamento. As Consellerías de Educación e Cultura organizan respectivamente estes eventos.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925