Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Novas


Novas

Os nenos das escolas unitarias celebran a súa festa de Nadal

[22-12-2005] Hoxe acaba o colexio ata o ano que vén. O último día de escola antes de marchar de vacacións polo Nadal é tamén o dos poemas, do teatro e das panxoliñas. Iso mesmo foi o que lles ofreceron os nenos das escolas unitarias de Ames aos seus papás e mestres.

Os comedores escolares, hoxe ao mediodía na TVG

[21-12-2005] O Telexornal Mediodía da Televisión de Galicia vai emitir hoxe entre as dúas e media e as tres da tarde unha reportaxe sobre o funcionamento dos comedores escolares de Ames. Un equipo da canle autonómica estivo onte no CEIP Bispo Guerra Campos para coñecer o modelo de xestión municipal dos comedores nos que cada día xantan 300 nenos.

Os colectores do lixo lavan a cara

[20-12-2005] Os concellos da Mancomunidade Serra do Barbanza aprobaron onte a entrada de Ames como socio en prestazón de servizo. Este era un trámite obrigado para completar a formalización do contrato coa empresa que a partir do primeiro de xaneiro se ocupará de recoller e tratar o noso lixo. Estes días a empresa FCC xa anda preparando as illas de colectores para adaptalas ao novo sistema. O cambio máis importante foi o de poñerlles tapas amarelas a todos os colectores, unha medida que confundiu a algúns veciños.

A Biblioteca encárgalles aos Reis Magos libros e DVDs para os nenos e as nenas de Ames

[20-12-2005] A Biblioteca Municipal de Ames, dependente da Concellaría de Educación, presentou unha campaña de iniciación á lectura que servirá para difundir as actividades de fomento do hábito lector que se desenvolvan no Concello ao longo do 2006. "Xogando cos soños descubrimos Ames" é o lema desta nova campaña que se inicia coas actividades de contacontos, teatro e obradoiros programadas para os días de Nadal. As Bibliotecas encargáronlles aos Reis Magos que agasallen a todos os nenos e nenas do concello cun libro ou un DVD, dependendo da idade.

Alumnos e profesores da EMMA celebran o Concerto de Nadal

[20-12-2005] Alumnos e profesores da Escola Municipal de Música de Ames poñen fin ao primeiro trimestre escolar do curso cun concerto de Nadal. A actividade, organizada pola Escola de Música en colaboración coa Concellaría de Cultura e Deportes, terá lugar o mércores 21 ás oito da tarde na Casa da Cultura de Bertamiráns.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925