Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Novas


Novas

Os contos de verán danlle o relevo aos de inverno

[04-09-2006] "Asistencia multitudinaria nun día magnífico, así pechamos as bibliopiscinas", afirmou a concelleira de Educación, Comunicación Social e Patrimonio, Pilar Candocia. Os máis de 250 nenos e nenas que se congregaron na praia fluvial de Tapia durante a tarde do domingo gozaron durante os meses de xullo e agosto do contacto cos libros a través dun programa de lecer. Como recompensa ao traballo realizado houbo contos, música, teatro e, por suposto, xogos.

223 deportistas participaron no XXI Descenso do Tambre

[04-09-2006] Marcos Terdazo Modía, do club de piragüismo Río Verdugo foi o gañador absoluto do XXI Descenso do Tambre que se celebrou o domingo, 3 de setembro, na praia fluvial de Tapia. 44 deportistas disputaron esta proba e 179 máis participaron no circuíto organizado na praia fluvial para as categorías dos máis pequenos. O tempo seco e soleado favoreceu o desenvolvemento desta proba que organizaron conxuntamente o club de piragüismo Riberas do Tambre e a Concellaría de Cultura e Deportes.

Piragüistas e lectores de verán danse cita este domingo na praia fluvial de Tapia

[03-09-2006] O marco da praia fluvial de Tapia acolle hoxe a festa de clausura das Bibliopiscinas e o XXI descenso do Tambre. O teatro de Trinke Trinke e a música dos Migallas misturaranse coa presenza dos palistas que participen neste torneo de piragüismo. O entorno dará logo cobertura ao teatro, á música, ao xogo e ao deporte, aproveitando a excepcionalidade do emprazamento. As Consellerías de Educación e Cultura organizan respectivamente estes eventos.

Festival de fin de curso da Escola de Verán do Milladoiro

[02-09-2006] Camisetas personalizadas, representación de bailes doutras culturas e interpretación libre das actividades que os nenos e nenas fixeron durante todo o verán foron os ingredientes cos que se preparou o Festival de fin de temporada da Escola de Verán do Milladoiro.

O pleno aproba os festivos locais para o 2007

[02-09-2006] Foi o único punto da orde do día no que houbo acordo. A corporación municipal votou por unanimidade que o martes de Entroido e o luns de Pascua sexan declarados festivos locais no ano 2007. Sen embargo a aprobación da integración do Concello de Ames no Consorcio Galego de Servizos de Igualdade e Benestar saíu adiante só cos votos do grupo de goberno e as mocións dos populares nas que pedían instar á Xunta para que tomara medidas para paliar as consecuencias dos incendios forestais en Ames e a declaración de zona catastrófica para o Concello despois da vaga e de lumes foi votada en contra polo PSOE e polo BNG. Malia todo, o grupo de goberno aprobou previamente a urxencia destas dúas mocións, alegando que non querían privar ao grupo popular de debater sobre o lume.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925