Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Novas


Novas

Os maiores "moven o esqueleto"

[16-12-2006] A mover o esqueleto! é o chamamento que fai a Concellaría de Sanidade e Servizos Sociais a todas as persoas maiores de Ames para que acudan ao baile que se vai desenvolver na Casa da Cultura de Bertamiráns o vindeiro domingo, día 17 de decembro, ás sete da tarde. O dúo Eva e Camilo amenizarán o baile.

Os galardoados na Gala do Deporte foron elixidos polos clubs deportivos do Concello

[16-12-2006] A comunidade deportiva do Concello celebra esta noite na I Gala do Deporte de Ames. No evento, organizado pola Concellaría de Cultura e Deportes, participan membros de todos os clubs deportivos do Concello e das entidades colaboradoras, deportistas de elite e representantes dos centros de ensino, primeiros promotores da canteira deportiva do municipio. No transcurso da Gala entregaranse varios premios e recoñecementos a deportistas e entidades que coa súa actividade contribúen ao crecemento do espírito deportivo na nosa comunidade e á promoción do nome de Ames no exterior.

Mañá sábado celébrase a I Gala do Deporte de Ames

[15-12-2006] A comunidade deportiva do Concello reúnese mañá na I Gala do Deporte de Ames. No evento, organizado pola Concellaría de Cultura e Deportes, participarán membros de todos os clubs deportivos do Concello e das entidades colaboradoras, deportistas de elite e representantes dos centros de ensino, primeiros promotores da canteira deportiva do municipio. No transcurso da Gala entregaranse varios premios e recoñecementos a deportistas e entidades que ca súa actividade contribúen ao crecemento do espírito deportivo na nosa comunidade e a promoción do nome de Ames no exterior.

Doce días a corpo de rei ou raíña

[15-12-2006] ¿Quen pode resistirse a que lle dean unhas fregas, a recibir unha masaxe reparadora ou a un baño en augas tépedas con propiedades curativas?. Ninguén, seguro. Os balenarios -que gozaran dos seus anos dourados aló polos comezos do século XX- parece que recuperan o seu esplendor como alternativa de descanso a medio camiño entre o ocio e a saúde. Porén, botar uns días nestes centros non adoita ser barato a menos que se teñan máis de sesenta anos. A Concellaría de Servizos Sociais, informa de que o IMSERSO ofrece prazas a través do Concello para participar no Programa de Termalismo Social para pensionistas e persoas xubiladas. A oferta é moi apetecible: 12 días en pensión completa con tratamentos incluídos por un prezo certamente asequible.

A cadena SER emite o informativo "Comarcas" desde O Milladoiro

[15-12-2006] A Casa da Cultura do Milladoiro acolle mañá sábado, a partir das 12 do mediodía, o programa Comarcas. O alcalde, Carlos A. Fernández e o 1º Teniente de alcalde, Xosé M.Fernández, serán entrevistados en directo por Manel Pardo e Carmela Pardal, condutores do programa. O IV Reto pola Integración Arcea-Adames, a I Gala do Deporte, os novos habitantes de Ames e o sector empresarial do municipio tamén terán o seu oco no programa. Todas as persoas que o desexen poden acudir como público ao Salón da Casa da Cultura do Milladoiro desde onde se retrasmitirá o programa.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925