Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Novas


Novas

Ames promociona o rock en galego cun certame para grupos novos

[28-03-2006] A concellaría de Cultura xa lle puxo data ao seu primeiro concerto multitudinario: o 4 de agosto. Ese día -véspera das festas da Madalena- celébrase o Millarock 06, que contará coa actuación dun grupo "de sona estatal" que o Concello non quere revelar aínda. Como abreconcertos haberá tres bandas que sairán do I Certame Millarock 06. Este é un concurso que xa abriu o seu prazo de presentación de maquetas. Con el búscase promover a lingua e darlles unha oportunidade aos novos valores da música.

Cáritas Milladoiro e mailo Concello asinan un convenio para continuar co programa Tardes Divertidas

[28-03-2006] O programa Tardes Divertidas mantén durante os meses en que hai escola un completo calendario de actividades para os nenos e nenas de entre 3 e 12 anos. Esta mañá o Concello e Cáritas Diocesana asinaron un convenio para que a entidade coordene no Milladoiro este servizo de conciliación da vida familiar e laboral.

Os cursos de galego para adultos comezarán a mediados de abril

[27-03-2006] A concellaría de Cultura acaba de abrir o prazo para apuntarse nos cursos de iniciación e de perfeccionamento do Galego deste ano. Desde hoxe e ata o 10 de abril os interesados poderán facer a súa inscrición nas casas da Cultura de Bertamiráns e do Milladoiro. Os cursos organízaos o Servizo de Normalización Lingüística en colaboración coa Secretaría Xeral de Política Lingüística.

O II Reto pola integración Arcea-Adames vence ao mal tempo

[27-03-2006] O vento e maila auga non axudaron pero tampouco foron impedimento para que este sábado se celebrase o II Reto pola Integración Arcea-Adames. Malia os refachos e a riada, os rapaces desta asociación de discapacitados intelectuais gozaron dunha xornada na que, xunto con eles, os protagonistas foron os 4X4.

A parcela da rúa Oliveira non se poderá vender en 10 anos sen o consentemento do Concello

[26-03-2006] Quedan pouco máis de 15 días de prazo para que as empresas interesadas en mercar 8.000 metros cadrados de chan industrial no Milladoiro lle presenten ao Concello as súas propostas técnicas e económicas. O procedemento de concurso está aberto desde mediados de mes e cuns pregos moi estritos, definidos para garantir un uso sustentable da parcela e, sobre todo, para impedir que se especule con chan municipal. O Concello emitiu un comunicado no que se lembran os criterios que rexerán tanto a valoración das propostas como o seguemento do uso que se lle dea ao chan no futuro. Desta maneira quérense desmentir as declaracións feitas por EU-IU á prensa nos últimos días.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925