Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Novas


Novas

166 amienses visitaron Valdeorras

[12-06-2006] A excursión enmarcouse dentro do programa Coñecendo o país e máis concretamente dentro da serie de visitas que a Concellaría de Cultura programou durante todo este ano Polas Rutas do Viño. Os viaxeiros visitaron, entre outros lugares, unha exposición sobre a memoria histórica e o complexo natural de Xagoaza onde se atopan un mosteiro, unha ermida, unha adega e unha cova.

Tanxarina no Milladoiro

[11-06-2006] A Casa da Cultura do Milladoiro acolle hoxe a partir das 12 do mediodía o espectáculo Contaloucos, da Compañía Tanxarina Monicreques. A obra recrea dous contos da literatura universal a través dun xogo escenográfico cheo de "gags" imaxinativos e situacións cómicas. A representación enmárcase dentro do programa Domingos Infantís da Concellería de Cultura.

Preséntase Rufino e as súas rufinadas

[11-06-2006] Itos Lorenzo Méndez, nai dun alumno do C.E.I.P de Bertamiráns, creou, coa colaboración de dúas profesoras, Rufino e as súas rufinadas. Os nenos e as nenas de 3º de infantil deste colexio fixeron os debuxos para o conto e a Concellaría de Educación sumouse a este proxecto que, ademais de fomentar valores como a amizade, a tolerancia e o respecto ás diferenzas, supón un claro exemplo implicación de outros sectores sociais no proceso educativo. Rufino e as súas rufinadas será presentado o luns, día 12 de xuño ás seis da tarde na Casa da Cultura de Bertamiráns e o mércores 14, á mesma hora na Biblioteca do Milladoiro.

A sustentabilidade centra a II Festa da Natureza

[10-06-2006] A Concellaría de Medio Ambiente teno todo disposto para a celebración da segunda edición da Festa da Natureza. Aínda que a festa quere ser unha homenaxe ao noso medio, este ano a organización quere que o encontro sirva tamén para que a xente coñeza e se implique en varios proxectos que o Concello está impulsando neste momento.

Estrea de "Unha estatua en Limbania" no Milladoiro

[09-06-2006] Os alumnos do Obradoiro de Iniciación ao Teatro do Milladoiro, dependente da Concellaría de Cultura de Ames, decidiron traballar este curso sobre a idea do nacemento dunha cidade e os conceptos de identidade, arraigo e permanencia. Unha serie de exercicios de improvisación serviron como base para que a xornalista e dramaturga, Nazaret López, encargada do obradoiro, escribira Unha estatua en Limbania, un texto a medida dos alumnos. A obra estrease hoxe venres, 9 de xuño, ás 21 horas na Casa da Cultura do Milladoiro.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925