Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Novas


Novas

50 pilotos compiten no Supercross Brins 2006

[29-07-2006] Os mellores pilotos galegos na especialidade de supercross danse cita no circuíto de Brins hoxe sábado, 29 de xullo, nunha proba que terá lugar a partir das seis da tarde e que será puntuable para o Campionato Galego desta modalidade. A competición está organizada polo Motoclub Ameixenda e conta coa colaboración da Concellaría de Cultura e Deportes de Ames. 50 pilotos participarán na proba e a organización espera ao redor dun millar de espectadores.

Comeza a Festa da Mocidade no Milladoiro

[29-07-2006] Paseos en quads, clowns, paintball, esquí en pista, touro mecánico, inchables, tiro con arco, unha torre multiaventura onde os máis arriscados poderán practicar desde escalada ata puenting ou caída libre e varios obradoiros de coiro, percusión africana, xogos populares, graffitis, tatuaxes, atrapasoños, globofexía, iniciación dj´s techno e trenzas hippies son as actividades que propón a III Festa da Mocidade que comeza hoxe no Milladoiro. A actuación de Sonblue na praza de Manuel Murguía porá a guinda a un día no que se esperan 4.000 visitantes.

O Concello quere que o campo de Bertamiráns sexa de herba artificial

[28-07-2006] De novo abondaron pouco máis de dez minutos para resolver os asuntos que se levaban a un pleno de carácter extraordinario. Entre a unha e a unha e dez deste mediodía, a corporación deulle o visto e prace por unanimidade á incorporación de Ames ao plan de campos de herba artificial da Deputación. Ademais tamén se aprobaron dúas alegacións presentadas ao regulamento dos comedores escolares que pasarán a formar parte do seu articulado.

Preto de 50 voluntarios colaboran coa III Festa da Mocidade

[28-07-2006] Ataviados coa camiseta e a gorra identificativas da Oficina do Voluntariado, preto de medio cento de voluntarios percorrerán o sábado e o domingo as rúas do Milladoiro co obxectivo de informar sobre os actos programados para a festa, entregar o Pasaporte III Festa da Mocidade , que permitirá participar nas actividades, obter puntos cambiables por agasallos e colaborar con calquera eventualidade que se poida producir. Ademais, a organización conta coa presenza permanente dunha ambulancia, varios efectivos de Protección Civil de Brión e un servizo de vixilancia privada para os concertos.

Amessan despídese ata setembro

[27-07-2006] Amessan, o programa de promoción da saúde que por terceiro ano consecutivo puxo en marcha a Concellaría de Sanidade e Servizos Sociais, despídese ata setembro. Preto de 400 persoas maiores participaron nas clases de ximnasia terapeútica e expresión músico tradicional, nos obradoiros de cociña san, memoria e expresión a través das mans e nos bailes e nas excursións que se desenvolveron durante todo o curso. Moitos dos participantes están xa desexando que comecen de novo as actividades.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925