Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Novas


Novas

Tres empresas optan a xestionar a limpeza viaria e o punto limpo

[10-02-2006] FCC, Urbaser e Integro Xardinería e Medio Ambiente son as empresas candidatas a facerse coa xestión da limpeza do concello e tamén coa do punto limpo. Este mediodía abríronse as plicas coas ofertas presentadas por cada unha delas. Agora ábrese o proceso para avaliar as propostas técnicas das que o Concello valorará principalmente a calidade do servizo ofertado.

O campión do mundo de triatlón Iván Raña entregará os trofeos da I Duatlón Popular Concello de Ames

[10-02-2006] O olímpico e campión do mundo de Triatlón Iván Raña será un dos encargados de entregar os trofeos aos gañadores da I Duatlón Popular Concello de Ames que, organizada pola Concelleria de Deportes, celébrase este domingo, a partir das once da mañá, na área deportiva do Milladoiro. Máis de coarenta persoas forman parte do dispositivo de seguridade desta proba para a que xa se apuntaron máis de 200 deportistas. Aquelas persoas que queiran participar e non se inscribirán, aínda poden facelo se acuden o domingo unha hora antes da proba á Casa da Cultura do Milladoiro.

O Goberno municipal de Ames súmase á campaña Panos Brancos contra a Droga

[09-02-2006] Dous panos brancos de dous metros de longo e máis unha pancarta na que se pode ler Panos Brancos contra a Droga penduran desde esta mañá da fachada da Casa do Concello. É a resposta do Goberno Municipal á campaña de repudio contra a droga e o narcotráfico promovida pola Fundación Galega contra o Narcotráfico.

O transporte adaptado realizou 25 servizos nunha semana

[08-02-2006] O Hospital Clínico de Santiago, o Hospital de Conxo, a Seguridade Social e a Residencia Fonte da Virxe foron os destinos máis solicitados polas persoas que utilizaron o novo servizo de transporte adaptado nos seus primeiros días de funcionamento. O servizo, posto en marcha pola Concellaría de Servizos Sociais, ten como obxectivo cubrir as necesidades de mobilidade e desprazamento daquelas persoas que teñen algún grao de dependencia e non dispoñen de vehículo propio.

A piques de rematar o programa de ordenación das illas de recollida do lixo

[08-02-2006] Durante o 2006, a Concellaría de Servizos Básicos, Parques e Xardíns acometeu unha completa reestruturación do servizo de recollida do lixo que, ademais do cambio a Lousame, tamén trouxo aparellado un importante incremento no número de colectores. De feito, hoxe contamos con 1.537 colectores verdes e amarelos que na súa maioría están amarrados ao chan gracias ao proxecto de instalación de ancoraxes posto en marcha polo Concello. Nestes momentos xa se remataron as obras na zona do Milladoiro e están a piques de completarse en Bertamiráns. En total van instalados 800 amarres dos 1.000 previstos nunha primeira fase.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925