Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Novas


Novas

Continúan con éxito as actividades e Nadal

[29-12-2005] As actividades do programa "Nadal, faino máxico" que o Concello de Ames desenvolve nestas festas continúan rexistrando unha gran afluencia de público. Onte triunfaron Sarabela Teatro, o debuxante Kiko da Silva e o Mago Román.

Vídeo a través do wi-fi

[28-12-2005] A Deputación da Coruña organizou para onte un encontro a catro bandas no ciberespazo. Ou o que é o mesmo, a transmisión de imaxe e son en tempo real entre catro puntos da provincia. A proba enmarcouse no proxecto de acceso a internet sen fíos que o ente provincial desenvolve en Ames, Fene e Miño.

O Mago Antón encheu a Casa da Cultura do Milladoiro

[28-12-2005] Non quedou unha butaca baleira. 250 persoas, na meirande parte cativos e cativas acompañados dos papás e das mamás, encheron a Casa da Cultura do Milladoiro para presenciar a actuación do Mago Antón. Maxia, ilusión e algún susto dos que creron que todo canto acontecía era certo escriben a crónica da actuación.

Videoconferencia a catro bandas coa Selección Galega de fútbol

[27-12-2005] As novas tecnoloxías dán moito de si. Tanto que xa é posible acceder a internet sen fíos e con moi boa calidade. O sistema wi-fi que funciona en parte de Agrón e da Ameixenda incluso permite realizar videoconferencias coma a que terá lugar esta mesma tarde. Nela participarán representantes da deputación da Coruña, o director xeral de Deporte da Consellaría de Cultura e tamén o alcalde e maila concelleira de Comunicación de Ames. Ademais tamén estará presente un membro da Selección Galega de fútbol, dado que o partido que se vai celebrar o xoves contra Uruguai é o pretexto para realizar esta experiencia.

O Concello fai máis segura a travesía do Porto

[27-12-2005] A travesía do Porto é unha das máis transitadas do Milladoiro e ata hai poucos días tamén era unha das menos seguras. E é que a concellaría de Servizos Básicos vén de desenvolver varios traballos de mantemento neste vial centrados principalmente na sinalización horizontal e vertical.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925