Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Novas


Novas

Os nenos de Ventín reconstrúen o noso pasado

[26-12-2005] Hai moitas maneiras de facer que un neno aprenda historia, pero os que entenden de pedagoxía dín que o máis efectivo é empregar máis elementos que os libros. No colexio público de Ventín sábeno ben e por iso decidiron que unha das mellores formas de ensinarlles aos rapaces en que consistía a cultura castrexa era construír a maqueta dun poboado. O resultado de seis meses de traballo é unha escea na que se prepresenta con todo luxo de detalles a vida dos nosos antepasados. Estes días pode verse na biblioteca do Milladoiro.

O público respondeu na primeira xornada dos actos de Nadal

[26-12-2005] As dúas Casas da Cultura de Ames rexistraron cheos case totais nas actuacións do frautista André Cebriá e do grupo de música e teatro Mamá Cabra. Os dous actos serviron o venres pasado para inaugurar a programación do "Nadal, faino máxico" que se prolongará ata o domingo, 8 de xaneiro de 2006.

Os rapaces de Arcea Adames amosáronlles o concello a Fran e a Xosé Ramón

[23-12-2005] Os futbolistas de elite Fran e Xosé Ramón tiveron uns guías moi especiais na visita que esta mañá fixeron ao concello de Ames. 40 rapaces da Asociación de Discapacitados Intelectuais ARCEA-ADAMES amosáronlles aos irmáns González o Pazo da Peregrina, a Casa de Rosalía en Ortoño e as Casas da Cultura do Milladoiro e de Bertamiráns, ademais do local no que a Asociación de Discapacitados Intelectuais realizan moitas das súas actividades formativas. A visita rematou na Casa do Concello. Os deportistas e os seus guías foron recibidos por membros da Corporación Municipal.

Comezan as actividades de Nadal

[22-12-2005] As Concellarías de Cultura e Deportes, Educación, Mocidade, Servizos Sociais e Medio Ambiente, xunto coa Asociación de Empresarios do Milladoiro e máis a Asociación de Comerciantes de Bertamiráns poñen en marcha o programa "Nadal, faino máxico". Preto de 70 actos que inclúen teatro, cine, música, contacontos, obradoiros, maxia e deportes desenvolveranse por todo o concello desde o día 23 de decembro ata o día 8 de xaneiro. O programa pon ademais a disposición da cidadanía un servizo de gardaría que lle facilitará aos pais e as nais facer as compras das festas e outro de recollida de xoguetes e de árbores de Nadal.

160 persoas asistiron ao Concerto da Escola de Música

[22-12-2005] Estudantes e profesores da Escola Municipal de Música amosaron o traballo realizado durante o primeiro trimestre do curso no transcurso do Concerto de Nadal celebrado o mércores, 21 de decembro, na casa da Cultura de Bertamiráns. O concerto, organizado pola Escola de Música en colaboración coa Concellaría de Cultura e Deportes, converteuse nunha auténtica festa familiar.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925