Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Novas


Novas

O Concello destina 46.000 euros a actuacións extraordinarias de reparación e mantemento nos centros escolares públicos de Ames

[19-08-2017] O goberno municipal está executando obras de reparación e mantemento en varios centros escolares públicos de Ames. Durante este verán estáselle dando prioridade á mellora das instalacións das escolas unitarias da Igrexa de Ortoño e de Covas, así como a mellora da seguridade e mobilidade sostible nos colexios amesáns. A través destes traballos trátase de mellorar as instalacións dos colexios e escolas do concello antes do inicio do curso escolar.

Apróbanse as bases da convocatoria de subvencións para a promoción do comercio local por un importe de 40.000 euros

[18-08-2017] O Concello de Ames vén de aprobar en Xunta de Goberno Local as bases da convocatoria de subvencións para a promoción do comercio local correspondentes ao exercicio 2016. O importe total das axudas ascende a 40.000 euros. Respecto á convocatoria do exercicio anterior increméntase a partida destas axudas en 15.000 euros. O prazo de presentación de solicitudes será dun mes dende o día seguinte á pública de ditas bases no Boletín Oficial da Provincia (BOP). Premendo no enlace que está a túa dereita, baixo o apartado de descargas, poderás obter as bases desta convocatoria de axudas.

O Concello de Ames garda un minuto de silencio polo dobre atentado terrorista de Barcelona e Cambrils

[18-08-2017] O Concello de Ames realizou esta mañá, ás 12:00 horas, unha concentración diante da Casa do Concello, en Bertamiráns, e diante das oficinas municipais do Milladoiro en repulsa do dobre atentado perpetrado nas últimas horas en Barcelona e Cambrils. Deste xeito, gardouse un minuto de silencio como mostra de apoio aos familiares e as vítimas destes atentados. As bandeiras da Casa do Concello ondean a media hasta.

O Concello de Ames convida á veciñanza a manifestar a súa repulsa ante o dobre atentado terrorista de Barcelona e Cambrils

[18-08-2017] O Concello de Ames fai un chamamento aos veciños e veciñas de Ames para que expresen a súa repulsa ante o dobre atentado perpetrado nas últimas horas en Barcelona e Cambrils. Deste xeito, convócase á veciñanza este venres, 18 de agosto, ás 12.00 horas, na praza do Concello, en Bertamiráns, ou nas Oficinas Municipais do Milladoiro, para manter un minuto de silencio como apoio aos familiares e as vítimas destes atentados.

Unha unidade móbil do Centro de Transfusión de Galicia atende as doazóns de sangue hoxe e mañá no Milladoiro

[17-08-2017] A Concellaría de Sanidade, Servizos Sociais e Igualdade informa á veciñanza amesá de que unha unidade móbil do Centro de Transfusión de Galicia (CTG) está hoxe e mañá no Milladoiro. O vehículo atópase estacionado na rúa da Curuxa, ao carón do supermercado El Árbol, en horario de 9:30 a 14:30 horas e de 15:30 a 21:00 horas. Lémbrase que se deberá acudir en posesión da tarxeta de doante ou do DNI ou un documento identificativo similar. O Concello de Ames colabora coa campaña solidaria da Axencia Galega de Doazón de Sangue e Órganos #súmatedoasangue.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925