Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Novas


Novas

O Concello de Ames oferta unha ampla programación deportiva para os meses de verán

[13-06-2018] O Concello de Ames, a través da Concellaría de Deportes, acaba de publicar a programación trimestral deportiva que se desenvolverá entre os meses de xuño e setembro. A programación inclúe a celebración de actividades tais como campionatos, campus, campamentos, xornadas e carreiras. Con dita programación, na que participan activamente diferentes clubs e entidades deportivas de Ames, o goberno municipal mostra a súa aposta polo práctica deportiva.

Organízase unha xornada de iniciación ao piragüismo para este sábado, 16 de xuño, na praia fluvial de Tapia

[13-06-2018] O Concello de Ames, a través da Concellaría de Deportes, organiza este sábado, 16 de xuño, unha xornada de iniciación ao piragüismo que se desenvolverá na praia fluvial de Tapia entre as 11:00 e as 13:30 horas. Esta actividade ten a finalidade de que os amesáns e as amesás que o desexen poidan aprender a dominar esta embarcación. A xornada será de portas abertas polo que poderán asistir todas aquelas persoas interesadas nesta actividade pero que sexan maiores de 7 anos. Para participar nesta actividade gratuíta hai que levar traxe de baño, unha camiseta e chancletas. O que si é imprescindible é saber nadar. Non é necesario inscribirse previamente.

Este xoves, 14 de xuño, impártese a última charla do programa Amessan que afondará nos recursos para persoas que viven soas

[12-06-2018] A Concellaría de Voluntariado e Benestar Social organizou unha serie de charlas dirixidas a persoas maiores de 60 anos. Cada unha destas conferencias aborda un tema diferente: alimentación saudable, prevención de demencias, sexualidade na idade adulta, prevención de estafas e roubos e recursos para persoas que viven soas. Estas charlas enmárcanse dentro do programa municipal de envellecemento activo Amessan. Este xoves, 14 de xuño, impartirase a quinta charla deste programa que tratará sobre os recursos para persoas que viven soas. Será na Casa da Cultura de Bertamiráns, de 18.00 a 19.30 horas.

As bibliotecas municipais acollen esta semana as últimas sesións de contacontos do curso

[12-06-2018] As bibliotecas do Milladoiro e Bertamiráns acollerán, este mércores e xoves respectivamente, as últimas sesións de contacontos do curso. Baixo o título “E cun ris e cun ras... volvemos comezar!”, a Concellaría de Educación e Cultura pecha o curso escolar nas bibliotecas. Estas sesións de contacontos buscaron promover a lectura entre as máis cativas e cativos, amosándolle a maxia que agochan os libros.

A Policía Local de Ames realizou preto de 300 probas na campaña especial sobre control da taxa de alcol e presencia de drogas en condutores

[12-06-2018] O Concello de Ames colaborou coa Dirección Xeral de Tráfico no desenvolvemento da campaña especial de vixilancia e control de alcol e drogas, que se levou a cabo entre os días 4 e 10 de xuño. Os axentes da Policía Local de Ames realizaron un total de 290 controis (287 controis de alcol e 3 de drogas). Entre as probas realizadas, tan só 2 condutores deron positivo o que representa un 0,68% dos condutores aos que se lle realizaron ditos controis. Ademais, os axentes proporcionáronlle información aos condutores sobre a necesidade de conducir sen inxerir ningún tipo de bebida alcohólica ou substancia estupefaciente.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925