Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Novas


Novas

A asociación de sendeirismo Rutas a Pie organiza unha saída pola Fregeneda e as ruínas do Prazo no mes de setembro

[16-08-2018] A finais do próximo mes de setembro, a asociación amesá de sendeirismo Rutas a Pie organiza unha fin de semana con dúas andainas circulares na Fregeneda (Salamanca) e nas ruínas do Prazo, coñecidas como o pequeno Machu Picchu portugués. Son xa moi poucas as prazas dispoñibles para participar desta actividade, que se desenvolverá os días 21, 23 e 23 de setembro. A inscrición para participar pódese facer enviando un correo electrónico ao enderezo clubrutasapie@gmail.com ou chamando ao número de teléfono 628 28 79 57.

A concellería de Servizos Sociais e Igualdade organiza unha serie de obradoiros dirixidos ao desenvolvemento das habilidades sociopersoais das mulleres

[15-08-2018] A Casa da Cultura de Bertamiráns acollerá, ao longo do próximo mes de setembro, o desenvolvemento do “Taller de competencias emocionais e sociais para o benestar e a inclusión social”, dirixido ás mulleres amesás. Esta actividade, organizada pola concellería de Servizos Sociais e Igualdade de Ames, está dividida en catro obradoiros a través dos que se busca facilitarlle ás mulleres do concello ferramentas para desenvolver as súas habilidades sociopersoais.

Éxito das seleccións de fútbol gaélico na Gaelic Euro Cup

[14-08-2018] Este domingo a selección feminina de fútbol gaélico converteuse na gañadora do primeiro Gaelic Euro Cup, mentres que o combinado masculino quedou subcampión. Ambas seleccións enfrontáronse na final coa selección francesa no marco do Festival Intercéltico de Lorient, logo de facer diferentes adestramentos durante os meses de verán en Ames.

Sométese a información pública a aprobación inicial do proxecto de expropiación das parcelas necesarias para poder construír un novo CEIP no Milladoiro

[14-08-2018] O Diario Oficial de Galicia fixo público o pasado venres, 10 de agosto, o anuncio da aprobación inicial do proxecto de expropiación, polo procedemento de taxación conxunta, para poder executar o Plan Especial de Infraestruturas e Dotacións (PEID) para construír un novo CEIP na localidade do Milladoiro. O proxecto estará exposto por un prazo dun mes, para quen o estime oportuno poida presentar alegacións. Trátase dun paso máis no procedemento para dotar ao Milladoiro dun novo centro escolar, nunha superficie de 20.000 metros cadrados repartidos en 13 parcelas.

Preséntanse a auditoría enerxética das instalacións municipais do Milladoiro e Bertamiráns

[14-08-2018] O salón de plenos da Casa do Concello acolleu esta mañá a presentación da auditoría enerxética das instalacións municipais do Milladoiro e Bertamiráns, dentro da estratexia DUSI “Impulsa Ames”. Este traballo, que foi encargado polo goberno municipal á ELA INGENIERÍA MEDIO AMBIENTE, recolle a situación actual de consumo de 18 edificios municipais e as medidas de mellora deseñadas de forma individual para cada un deles. Unha auditoría que permitirá elaborar un plan de actuación para conseguir unha mellora enerxética en función do aforro, necesidades e confort dos seus traballadores/as e usuarios/as.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925