Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Novas


Novas

Preséntase o primeiro campus de fútbol sala organizado polo FC Meigas

[21-06-2017] O Fútbol Club Meigas vén de presentar o seu primeiro campus de fútbol sala, organizado en colaboración co EFS Trasgos e o Concello de Ames. O Campus desenvolverase entre o 10 e o 14 de xullo, en horario de 8:00 a 14:00 horas, no Pavillón Municipal de Bertamiráns. Na presentación, estiveron José Miñones, alcalde de Ames e concelleiro de Deportes, e Diego Montero, coordinador do FC Meigas.

O 82% dos usuarios/as das unitarias están moi satisfeitos co funcionamento das escolas da Igrexa de Ortoño e de Covas

[21-06-2017] Durante o mes de abril de 2017, aproveitando o proceso de matrícula escolar, a Concellaría de Educación do Concello de Ames realizou dúas enquisas sobre as escolas unitarias, unha para analizar o nivel de coñecemento dos posibles usuarios/as e outra para valorar o grao de satisfacción dos usuarios e usuarias actuais. A través desta iniciativa o goberno municipal quixo dar a coñecer e informar da existencia destas escolas, aos pais e nais con fillos e fillas con idades escolares comprendidas entre 3 e 6 anos. Cómpre recordar que no concello de Ames actualmente existen dúas escolas unitarias, a escola da Igrexa e Ortoño e a escola de Covas. Premendo no enlace que está a túa dereita, baixo o apartado de descargas, poderás obter o resultado das devanditas enquisas.

Está aberto o prazo de matrícula para o programa de psicomotricidade e dos servizos complementarios de educación

[21-06-2017] O Concello de Ames, a través da Concellaría de Educación, informa de que está aberto o prazo para matricularse no programa de psicomotricidade e nos servizos complementarios municipais de educación para o curso 2017-2018. Os pais/nais do alumnado admitido terá que formalizar a matrícula dos seus fillos/as nas Oficinas Xerais do Milladoiro ou no Pazo da Peregrina de Bertamiráns. A matrícula nos servizos complementarios de educación tamén se pode facer a través da páxina web www.conciliames.org, aínda que despois hai que presentala por rexistro. As listas de usuarios/as renovados/as e de solicitudes admitidas pódense consultar na sección de Avisos da web municipal.

A aula CeMIT de Ames oferta novos cursos para os meses de verán

[20-06-2017] Coa chegada do verán, tamén chegan á aula CeMIT de Bertamiráns, os novos cursos de informática. Haberá tanto para adultos (con mecanografía ou edición de imaxes), como para nenas e nenos (con cursos de presentacións con Powtoon ou de programación con Scratch). Os obradoiros, que son de balde, desenvolveranse ao longo de varias xornadas, en horario de mañá para nenas e nenos, e de tarde para adultos. A reserva de prazas ten que ser realizada a través da ligazón: https://cemit.xunta.gal/gl/centro/9.

Preséntase o cuarto campus de fútbol que organiza a Fundación Celta de Vigo no Milladoiro

[20-06-2017] Esta mañá o campo de fútbol do Milladoiro acolleu a presentación da cuarta edición do campus de fútbol da Fundación Celta de Vigo, que se desenvolverá nestas instalacións entre o 26 e o 30 de xuño. Á presentación acudiron o alcalde de Ames e concelleiro de Deportes, José Miñones, o director da Fundación Celta de Vigo, Germán Arteta, o presidente do Milladoiro SD, Vicente “Checho” González, o presidente da Peña Celtista do Milladoiro, Brais Alonso, e mailo responsable dos campus do Celta de Vigo, Alex Abalde. A principal novidade este ano do campus será unha visita ás instalacións do Estadio de fútbol de Balaidos. Quedan dispoñibles as últimas prazas para participar neste campus.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925