Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Novas


Novas

A Xunta de Goberno Local aproba de xeito definitivo o proxecto de expropiación das parcelas necesarias para poder construír un novo CEIP no Milladoiro

[01-12-2018] A Xunta de Goberno Local vén de aprobar de xeito definitivo, este pasado xoves 29 de novembro, o proxecto de expropiación, polo procedemento de taxación conxunta, para poder executar o Plan Especial de Infraestruturas e Dotacións (PEID) para construír un novo CEIP na localidade do Milladoiro. Anteriormente a dita aprobación, o proxecto estivo exposto por un prazo dun mes, para quen o estimase oportuno puidera presentar alegacións. As alegacións presentadas durante dito prazo foron desestimadas polo que se procedeu a aprobar definitivamente dito proxecto. Estas parcelas poranse a disposición da Consellería de Cultura, Educación e Ordenación Universitaria, da Xunta da Galicia, para a construción dun novo colexio público de infantil e primaria no Milladoiro. A superficie afectada polo Plan Especial, para a dotación de infraestruturas escolares, é de 20.000 metros cadrados, repartidos en 13 parcelas.

O Concello de Ames conmemora o 40 aniversario da Constitución

[01-12-2018] O Concello de Ames desenvolverá unha programación específica para conmemorar o 40 aniversario da Constitución. As actividades desenvolveranse o martes, 4 de decembro, ás 20.00 horas na Casa da Cultura do Milladoiro, e mailo xoves, 6 de decembro, a partir das 10.30 horas, na Casa do Concello.

Medio Ambiente e Protección Civil fan balance das actuacións de control e loita contra a avespa velutina en Ames

[30-11-2018] O Concello de Ames organizou esta mañá unha comparecencia para presentar o balance dos traballos realizados entre a agrupación de Protección Civil e a concellaría de Medio Ambiente no control e loita contra a avespa velutina. Á presentación, que tivo lugar no Salón de plenos da Casa do Concello de Bertamiráns ás 11.30 horas, acudiron Javier García, concelleiro de Medio Ambiente, e Blas García, concelleiro de Urbanismo, Obras Públicas e Servizos Básicos, así como presidente da Agrupación de Protección Civil de Ames. Tamén participaron as técnicas de Medio Ambiente e membros de Protección Civil.

A Corporación municipal deixa encima da mesa a aprobación do Regulamento orgánico de Participación Cidadá que volverá a debaterse no pleno ordinario de decembro

[30-11-2018] Este xoves, 29 de novembro, celebrouse o pleno ordinario correspondente ao mes de novembro no que a Corporación municipal debateu sobre a aprobación inicial do Regulamento orgánico de Participación Cidadá do Concello de Ames. Este tema quedou encima da mesa á espera dun informe xurídico, que clarifique unha dubida formulada polo grupo municipal popular. Ademais aprobouse por unanimidade a aprobación dos textos refundidos da Relación de Postos de Traballo (RPT), do Convenio colectivo do persoal laboral, e do Regulamento do Fondo de Acción Social (FAS). Por último, rexeitáronse dúas propostas presentadas, de forma conxunta, polos grupos municipais do Partido Popular e de Pacto por Ames para dotar ao Concello de Ames dunha Comisaría da Policía Nacional, adscrita á de Santiago de Compostela, e sobre a realización de actividades para conmemorar o 40 aniversario da Constitución Española. O goberno municipal desenvolverá unha programación específica sobre o 40 aniversario da Constitución Española o martes 4 e mailo xoves 6 de decembro.

Ames comeza decembro coa inauguración do alumeado de Nadal

[30-11-2018] Este sábado, 1 de decembro, o Concello de Ames acenderá o alumeado de Nadal nun acto organizado para ás 18:30h na Casa do Concello, en Bertamiráns. A partir dese momento, as principais rúas do Milladoiro, Bertamiráns e das parroquias amesás quedarán engalanadas ata o vindeiro 7 de xaneiro. Os preto de cen arcos das rúas, os arcos de Boas Festas e a iluminación das prazas dos núcleos urbanos e dos principais edificios completarán a decoración destas festas invernais.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925