Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Novas


Novas

As festas de Agrón celébranse os días 10, 11 e 12 de agosto

[09-08-2017] Durante os tres días, haberá misas cantadas e varias actuacións musicais. O xoves conmemórase o día de San Lourenzo, o venres o do Santísimo Sacramento e o sábado o de San Roque. As festas de Agrón son sempre nestas datas (10, 11 e 12 de agosto), independentemente do día da semana no que caían.

Organízase no Milladoiro unha xornada de achegamento á cultura do pobo saharauí

[08-08-2017] A Asociación Solidariedade Galega co Pobo Saharauí (SOGAPS), e mailo Concello de Ames, organizaron unha xornada de achegamento á cultura do pobo saharauí, que se desenvolverá este xoves, 10 de agosto, entre as 17:00 e as 20:00 horas, ao carón da piscina municipal descuberta do Milladoiro. A través desta iniciativa vaise instalar unha jaima saharauí na que se van a xuntar as familias con nenos/as saharauís de Ames, Brión, Teo e Santiago de Compostela. Ademais, están invitadas as familias con nenos/a saharauís do resto de Galicia. Haberá música saharauí, xogos populares e realizarase a cerimonia do té. A jaima estará decorada con elementos e adornos propios do Sáhara.

Esta fin de semana celébranse as festas de Bertamiráns que inclúen a terceira edición da festa do porco á brasa

[08-08-2017] Do 11 ao 13 de agosto, Bertamiráns estará en festa. Serán tres días, nos que se incluirán a III Festa do Porco á Brasa e diversas actuacións musicais como a do grupo Alborada, a charanga Tíralle do Aire e as orquestras Capitol, Tamarindos, Poceiro e Los Player´s. O pregón correrá a cargo do xornalista amesán da TVG, Diego Viaño.

O Punto Limpo de Ames rexistrou 2.822 entradas no primeiro semestre de 2017

[08-08-2017] O centro de depósito de residuos do Punto Limpo de Ames, situado no polígono do Milladoiro, rexistrou durante o primeiro semestre deste ano uns datos que amosan a concienciación da veciñanza amesá co medio. En total, entre os meses de xaneiro e xuño de 2017 un total de 2.822 veciños e veciñas de Ames achegáronse ata o Punto Limpo para depositar alí todo tipo de residuos, favorecendo a súa mellor valorización e evitando o seu depósito incontrolado. Respecto ao primeiro semestre de 2016 incrementouse en 220 o número de entradas. Este servizo municipal está xestionado pola empresa Urbaser.

A sétima edición do Millarock ofreceu á veciñanza amesá unha noite chea de rock en galego

[07-08-2017] A sétima edición do festival Millarock tivo lugar o pasado venres, 4 de agosto, no Milladoiro. Ao longo da noite, pasaron polo escenario A Compañía do Ruído, Familia Caamagno, Medomedá e os Heredeiros da Crus. Máis de 5.000 persoas de diferentes idades asistiron ao festival, o que supuxo un récord de asistencia.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925