Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Novas


Novas

O FC Meigas no campionato nacional de seleccións sub20 de fútbol sala feminino

[07-02-2019] O FC Meigas, na aposta pola formación responsable e completa, pola mellora constante buscando novas metas e desafíos, partindo sempre da base sólida do traballo ben feito, está a gozar dun novo recoñecemento a todo isto. Diego Montero, coordinador deportivo do Club, forma parte do corpo técnico da selección galega sub20 que participa a partir do 9 de febreiro, en Madrid, no campionato de España de seleccións autonómicas de fútbol sala feminino.

Continúan as conversas do goberno de Ames coa formación Ames Novo para a negociación dos orzamentos municipais 2019

[07-02-2019] O pasado mércores, 6 de febreiro, reuníronse os voceiros das 3 formacións que conforman o goberno de Ames, Blas García( PSdeG), Genma Otero (Contigo Pódese) e David Santomil (BNG), que actúan en nome do goberno e o voceiro da formación Ames Novo, Quique Costas, máis Camen Calviño, concelleira da mesma formación, para continuar coa negociación dos Orzamentos Municipais de 2019.

O Concello de Ames celebra o primeiro acto de constitución da súa Mesa de coordinación Intersectorial de Saúde

[07-02-2019] O Pazo da Peregrina acolleu esta mañá o acto de constitución formal da Mesa de coordinación Intersectorial de Saúde do Concello de Ames. A esta primeira xuntanza acudiron o alcalde e concelleiro de Deportes, José Miñones, a concelleira de Saúde e Servizos Sociais, Luísa Feijóo, a encargada de implementar a Estratexia de Promoción da Saúde e Prevención no Sistema Nacional de Saúde, Rosalina Martínez, e representantes técnicos dos distintos departamentos municipais, así como representantes dos centros educativos e de saúde de Ames. O obxectivo desta mesa é por en funcionamento unha estratexia unificada e transversal destinada a fomentar a saúde e o benestar de toda a veciñanza amesá, na que colaboren tanto os diversos departamentos do concello como os axentes educativos e de saúde.

A Casa do Concello acolle este xoves, 7 de febreiro, un Workshop sobre economía circular e consumo responsable

[06-02-2019] O salón de plenos da Casa do Concello de Ames, en Bertamiráns, acolle este xoves, 7 de febreiro, ás 20:00 horas, o Workshop ‘Que facemos cos residuos? Cidadanía, consumo e sustentabilidade’, organizado pola Unión de Consumidores de Galicia (UCGAL) e Ecoembes, coa colaboración do Concello de Ames. Esta actividade gratuíta está especialmente dirixida aos comerciantes e entidades ecoloxistas pero está aberta a todas aquelas persoas que desexen asistir.

Os concellos de Ames e Santiago presentan unha nova edición do Vives Emprega

[06-02-2019] Esta mañá, o edificio CERSIA de Santiago acolleu a presentación dunha nova edición do programa Vives Emprega, no que estiveron presentes a concelleira de Servizos Sociais e Igualdade de Ames, Luísa Feijóo, a concelleira de Políticas Sociais, Diversidade, Saúde e Centros cívicos de Santiago, Concepción Fernández, e a responsable de oficinas de Acción Social contra el Hambre en Galicia, Asturias, Castela-A Mancha e Madrid, Laia García. A finalidade desta iniciativa, promovida por Acción contra a fame, é facilitar a inclusión sociolaboral de persoas que atravesan unha situación de dificultade para acceder ao mercado laboral. O curso realizarase no Centro sociocultural de Santa Marta.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925