As bibliotecas municipais inauguran esta semana a súa programación para o mes de novembro, que inclúe varias propostas de animación á lectura. A partir do 18 de novembro estará aberto o prazo para inscribirse nunha nova sesión de animación á lectura que ofrecen as bibliotecas municipais de Ames para a cativada. Nesta ocasión, trátase dun contacontos pensado para nenos e nenas de entre 3 e 8 anos, que terá lugar en tres quendas na biblioteca do Milladoiro. Para participar é necesario anotarse enviando un correo electrónico ao enderezo biblioteca@concellodeames.gal ou chamando ao número 981 530 807. As inscricións para as sesións do mes de novembro en Bertamiráns están pechadas. 

O departamento de Bibliotecas do Concello de Ames vén de anunciar a súa programación infantil para os meses de outubro, novembro e decembro, con obradoiros e sesións de narrativa oral que terán lugar tanto na biblioteca do Milladoiro como na de Bertamiráns. A programación comezará o vindeiro 27 de setembro, co obradoiro de cómic impartido por Santy Gutiérrez na Casa da Cultura do Milladoiro. A ilustración central do cartel xeral do curso 2024/2025 foi elaborada polo gañador da terceira categoría do concurso de debuxo infantil organizado polas bibliotecas con motivo do Día do Libro.

A edición deste ano do programa Encontros Literarios péchase este mércores, 22 de maio, coa presentación da novela “O clamor das Virxes”, de Marga Cancela. O acto, que estará presentado polo alcalde de Ames, Blas García, será ás 20:30 horas no Pazo da Peregrina, en Bertamiráns. A entrada será libre ata completar aforo.

Co gallo da celebración do Día das Letras Galegas, o departamento de Bibliotecas do Concello de Ames organiza un obradoiro dirixido a nenos e nenas a partir de 3º de primaria. Levarase a cabo tanto na biblioteca do Milladoiro como na de Bertamiráns. As familias que desexen participar poderán inscribirse ata o 30 de abril escribindo a biblioteca@concellodeames.gal ou nos teléfonos 981 530 807 e 981 884 829. Este obradoiro está enmarcado dentro de Ler conta moito, o programa de dinamización da lectura nas bibliotecas públicas promovido pola Xunta de Galicia en colaboración coas entidades locais.