Dentro da programación de Nadal, Papá Noel estará no Milladoiro, no Centro Social, o luns 23 en horario de 11.00 a 13.30 pola mañá e de 17.00 a 19.30 pola tarde.

Unha das novidades deste ano no programa de Nadal en Ames é a carreira de obstáculos “Gladiator Kids” o sábado 28, ás 16.30 horas na Área deportiva do Milladoiro. Unha actividade dirixida aos pequenos de entre 3 e 12 anos na que poñerán a proba a súa resistencia e forza con retos adaptados a eles. Con todo, os pais tamén poden inscribirse para participar e pasar así unha xornada familiar diferente.

A veciñanza de Ames poderá gozar un ano máis das xa tradicionais prebadaladas. Desta volta, terán lugar o martes 31 de decembro, ás 11.00 horas, na Praza do Concello en Bertamiráns. Ademais de tomar as 12 uvas simulando a entrada do ano novo, os asistentes poderán gozar das actuacións dos gañadores do Canta con Ames e participar na Xincana Xove.

Dentro da programación do Nadal en Ames, celebrarase o Concerto de Reis o sábado 4 de xaneiro. Desta volta, haberá unha actuación de corais no Auditorio do Milladoiro ás 19.00 horas. Os convites poden adquirirse na Billeteira Electrónica do Concello de Ames.