A Escudaría Berberecho, organizadora do Rally de Noia, decidiu incluír este ano dous tramos novos que discorreron por Ames e polo concello veciño de Brión. O tramo de Ames (Volkswagen Autos Patiño) tivo unha lonxitude de 11,2 quilómetros e discorreu polas parroquias de Ames, Lens e Tapia.

A saída do tramo estivo instalada no lugar de Outeiro, mentres que a liña de meta instalouse na estrada que vai dende a aldea de A Mámoa cara o lugar de Pedrouzos. Os pilotos realizaron unha dobre pasada polo tramo de Ames. A primeira pasada comezou arredor das 16.50 e a segunda ás 19.40 horas, sendo o último tramo do rally.

Ademais, o parque de reagrupamento estivo situado na avenida José Luís Azcárraga, diante do Pazo da Peregrina, en Bertamiráns, de 17:15 a 19:30 horas. Un gran número de afeccionados puideron gozar desta proba automobilística que puntúa para o campionato galego de rallys.

Novas relacionadas:

Ames Go: "Ames loce o seu propio tramo dentro do Rally Berberecho (20 abril)"