A Casa da Cultura de Bertamiráns inaugurada en xuño de 1997 é un dos puntos neurálxico do entramado socio-cultural do concello de Ames. A ampliación desta casa da cultura permitiu incrementar os espazos para a actividade cultural. Esta casa da cultura dispón de salas de exposición, biblioteca, sala de informática, despachos, cafetaría e un auditorio que ten capacidade para 236 espectadores no patio de butacas e 80 no anfiteatro. Tamén conta cunha sala de proxección e camerinos na planta baixa.

A concelleira de Cultura e Tecnoloxías da Comunicación, Natividade González, explica que “coa mellora dos equipamentos da Casa da Cultura de Bertamiráns préndese cubrir as demandas para dispoñer das oportunas infraestruturas que permitan a adecuada realización das actividades culturais que se prestan para a veciñanza de Ames”.

As actuacións de mellora executáronse no local da biblioteca municipal onde se melloraron as condicións térmicas do espazo existente, cunha mellora substancial do devandito espazo e da calidade na atención prestada, coa instalación de climatización que permita que a temperatura ambiente se poida regular e sexa a axeitada. O importe deste gasto ascendeu a 14.350,60 euros e representa o 58,20% do investimento total.

Por outra banda, realizouse un investimento relacionado coas artes escénicas, a través do cal se instalou un novo0 carril motorizado para a apertura e peche do telón do auditorio. O importe desta gasto ascendeu a 6.625,89 euros, que representa o 26,87% do investimento. Tamén se realizaron investimentos relñacio0nadas co equipamento audiovisual ou equipamento en xeral. Deste xeito, instaláronse dous proxectores de recorte con luminaria HPL e malia instalación dunha etapa de potencia. O importe deste gasto ascende a 1.558,48 euros, que representa p 6,32% do investimento total.

Ademais, para a mellora do equipamento xeral adquiríronse dous atrís de metacrilato que inclúen dous micrófonos en cada atril. O importe deste gasto ascende a 2.122,34 euros, que representa o 8,61€ do investimento total. 

En total, investíronse 24.657,31 euros, dos cales 12.821,80 (52%) foron achegados con fondos propios municipais, e 11.835,51 euros (48%) foron concedidos a través dunha axuda achegada pola Consellería de Cultura, Educación e Universidade para o equipamento e melloradas instalacións e locais utilizados para a realización de actividades culturais.

Novas relacionadas: 

La Voz de Galicia: "Terminan las obras en la Casa da Cultura de Bertamiráns"

Revista AmesGo: "Melloras na Casa da Cultura de Bertamiráns"

Compostela 24 Horas: "Invístense preto de 25.000 euros na mellora dos equipamentos da Casa da Cultura de Bertamiráns"