- Tipo
- Tematica
O sábado 1 de maio e o domingo 2, celebrarase, no pavillón de Bertamiráns, o Campionato provincial de categoría nacional cadete, xuvenil, júnior e sénior de patinaxe artística libre individual. Nesta cita participarán as mellores patinadoras e patinadores da provincial da Coruña. O Club de patinaxe Sarela estará representado por Jorge Sanmartín (cadete), Inés Peña (cadete) e María Peña (júnior), pero a representación amesán é máis extensa con patinadores e patinadoras do Club de patinaxe Omega, do Milladoiro, e cunha nena de Ames que pertence ao Club Ágora Boqueixón. Non estará permitida a asistencia de público a este evento deportivo debido ás restricións pola Covid-19.
Os/as 50 mellores patinadores/as da provincia da Coruña participarán, esta primeira fin de semana de maio, no Campionato provincial de categoría nacional cadete, xuvenil, júnior e sénior de patinaxe artística libre individual. O evento está organizado polo Club de patinaxe Sarela.
Na competición participarán varias rapazas e rapaces representando a Ames. O Club de patinaxe Sarela estará representado por Jorge Sanmartín (cadete), Inés Peña (cadete) e María Peña (júnior), pero a representación amesán é máis extensa con patinadores e patinadoras do Club de patinaxe Omega, do Milladoiro, e cunha nena de Ames que pertence ao Club Ágora Boqueixón.
O evento celebrarase no pavillón de Bertamiráns. O sábado 1 maio será a competición dos programas curtos e o domingo, día 2, será a quenda dos programas longos. Este campionato é clasificatorio para o Campionato galego que terá lugar en xuño.
Ademais do Club de patinaxe Sarela, de Bertamiráns, e do Club de patinaxe Omega, do Milladoiro, participarán outros 11 clubs da provincia da Coruña. Trátase do Ágora Boqueixón, Alquimia, Axel Arteixo, Buxaina, Compostela, Conxuro Laracha, Galia, Lenda, Maxia, Oroso e o club de patinaxe de Ribeira.
