O Festival Peregrinos Musicales ofrecerá un total de sete xornadas musicais. Desenvolverase entre o 29 de xuño e o 14 de xullo, fundamentalmente en espazos emblemáticos de Santiago de Compostela. Este ano, como novidade, Ames converterase nun dos epicentros do festival, e unha das citas musicais terá lugar no Pazo da Peregrina, en Bertamiráns, o sábado 9, ás 21:00 horas. Deste xeito, a veciñanza amesá poderá gozar da música clásica a través de concertos de artistas consagrados e de novos intérpretes internacionais.