- Dirección: Avenida de Azcárraga, nº 5, Bertamiráns.
- Teléfono: 981 89 14 76
- educacion@concellodeames.gal
- Horario de atención al público:
- De lunes a viernes, en horario de 9:00 a 14:00 horas.
- Responsable municipal: Concejalía de Educación
Solapas principales
Departamento de Educación
Servicios y programas
Noticias del departamento
Ames pon en marcha unha nova edición do programa de conciliación Escola de Verán, a través do que a Concellaría de Educación busca facilitarlle ás familias a conciliación entre a vida laboral e familiar durante a época estival. Nesta primeira quincena de xullo están a participar un total de 364 nenos e nenas, dos cales 168 o fan en Bertamiráns e 196 no Milladoiro. Ao longo do verán, hai previsto que 481 rapaces e rapazas asistan á Escola de Verán 2019 en ambos núcleos.
A Xunta de Goberno Local do Concello de Ames aprobou o pasado 1 de xuño de 2023 as bases das convocatorias de axudas para as actividades realizadas polas ANPAS dos centros educativos amesáns ao longo dos exercicios 2022 e 2023. A contía máxima destas axudas ascende a 20.000 euros por exercicio. As solicitudes para participar nesta convocatoria poderán presentarse ata o 27 de xullo. A través destas axudas poderase sufragar ata o 100% do orzamento total asignado a cada centro escolar para viaxes culturais, actividades extraescolares, organización de encontros e xornadas, mobiliario e material didáctico; así como actividades que fomenten a conciliación da vida laboral e familiar durante as xornadas lectivas. Premendo nas ligazóns que están ao pé desta nova pódense consultar as bases para solicitar estas axudas.
O Concello de Ames abriu do 1 ao 31 de marzo o prazo para que as persoas usuarias dos servizos complementarios de educación e conciliación poidan preinscribirse ou renovar praza para o curso 2022-2023, na Rede de Comedores Escolares e nos programas Bos Días Cole e Tardes Divertidas. As persoas interesadas poden realizar a tramitación administrativa das súas solicitudes a través da páxina web de Conciliames, presentando a documentación asinada dixitalmente na Sede electrónica do Concello de Ames. Tamén poden entregala en papel nas oficinas de asistencia en materia de rexistro do Concello de Ames, pedindo cita previa na Sede electrónica. Ademais, as persoas sen Internet poden solicitar asistencia presencial chamando ao 981 891 476.
A Concellaría de Educación informa da apertura do prazo de preinscrición para o curso 2022-2023 nas escolas infantís de titularidade municipal (EIM O Bosque de Bertamiráns e EIM A Madalena do Milladoiro), dende este venres 1 ata o 19 de abril, ambos incluídos. Unha vez adxudicadas as prazas, abrirase o prazo de formalización de matrícula entre os días 1 e 15 de xuño. Previamente, publicaranse as listas provisionais de admitidos e admitidas na páxina web municipal, na web conciliames.gal, e nas propias escolas infantís. A documentación a presentar poderá descargarse preferentemente na páxina web conciliames.gal, a partir das 00.00h deste venres 1 de abril, ou ben recollerse nas dependencias de cada unha das escolas.
O prazo para inscribirse no programa de conciliación da vida laboral e familiar “Primavera Lúdica” está aberto até este xoves 18 de febreiro. O servizo desenvolverase desde o 29 de marzo até o 5 de abril, coincidindo coas vacacións escolares de Semana Santa. O programa está dirixido ás familias empadroadas e residentes no concello de Ames, que teñan nenas e nenos escolarizados no segundo ciclo de Educación Infantil ou en Educación Primaria. As inscricións pódense facer vía telemática, a través da Sede electrónica, nas oficinas de rexistro de Bertamiráns e do Milladoiro (pedindo cita previamente), e en calquera outro rexistro que estea acreditado. Podes descargar aquí a ficha de inscrición.
A amesá Iria Martínez acadou o quinto premio neste certame literario organizado polo Concello de Dumbria e La Voz de Galicia que, ano tras ano, mantén viva a lenda deste ser mitolóxico galego.
Este luns, 25 de marzo, deu comezo unha nova edición da Primavera Lúdica, na que están a participar 105 nenos e nenas. A finalidade deste programa, que se desenvolve no CEIP da Maía e no CEP de Ventín, é facilitar a conciliación das familias amesás durante as vacación escolares de Semana Santa. As actividades, impartidas de 7.30 á 16.00 horas cos servizos de Bos Días e comedor incluídos, continuarán até o luns 1 de abril. Nesta edición, baixo o nome “Aventuras zumbantes!”, o programa céntrase nas abellas e no fundamental labor que realizan para a conservación da biodiversidade e do equilibrio do medio natural.
O persoal da ANPA da escola infantil municipal A Madalena, situada no Milladoiro, organizaron un ano máis a habitual festa de fin de curso. A celebración realizouse esta pasada fin de semana na praia fluvial de Tapia e participaron máis de 30 familias con alumnado matriculado no centro. Para a realización de dita xuntanza cóntase coa colaboración do Concello de Ames. Esta xuntanza pretende crear un espazo onde compartir un día en familia despois dun ano cheo de aprendizaxes.
A Concellaría de Educación informa da apertura o próximo xoves, 1 de abril, do prazo de preinscrición para o curso 2021-2022 nas escolas infantís de titularidade municipal (EIM O Bosque de Bertamiráns e EIM A Madalena do Milladoiro). O prazo de preinscrición permanecerá aberto ata o 15 de abril. Unha vez adxudicada a praza abrirase o prazo de formalización de matrícula entre os días 1 e 15 de xuño. Previamente, serán publicada as listas provisionais de nenos/as admitidos/as na páxina web municipal e nas escolas infantís. A documentación poderá descargarse preferentemente na páxina web conciliames.gal ou recollerse nas dependencias de cada unha das escolas.
Dende este martes, 1 de abril, estará aberto o prazo de solicitude de praza para o curso 2025-2026 nas escolas infantís de titularidade municipal (O Bosque, en Bertamiráns, e A Madalena, no Milladoiro). As solicitudes poderán presentarse ata o vindeiro 15 de abril. Posteriormente, os/as admitidos/as deberán formalizar a matrícula entre o 1 e o 16 de xuño. A documentación que hai que presentar para solicitar praza pode descargarse preferentemente a través da páxina web conciliames.gal, ou ben recollerse nas dependencias das escolas.
- ‹ anterior
- 12 de 23
- siguiente ›
Trámites del departamento
Eventos del departamento
O Concello de Ames organiza o mércores 31 de agosto un acto na memoria dos once concelleiros da corporación municipal de Boimorto, detidos e asasinados pola represión franquista o 20 de agosto de 1936 nos Batáns. A homenaxe servirá ademais para informar sobre os traballos realizados na parroquia de Ortoño a comezos de agosto pola Asociación para a Recuperación da Memoria Histórica (ARMH), co fin de localizar os corpos de seis dos once represaliados durante a Guerra Civil. Será ás 18:00 horas, na carballeira de Ortoño, ao carón da igrexa parroquial. Trátase dun acto aberto a toda a veciñanza que desexe asistir.
A ANPA do CEP de Ventín organiza o 5 dedecembro na Casa da Cultura do Milladoiro, ás 18:30 horas, unha actividade formativa chamada "Para, Pensa, Conéctate contra a violencia de xénero". Nela falarase sobre o uso responsable das tecnoloxías para a prevención contra o ciberacoso e a violencia de xénero dixital.
A ANPA As Brañas e mailo CEP de Ventín organizan unha charla sobre a miopía que está dirixida ás familias. Será o venres, 3 de novembro, ás 17.00 horas, na Casa da Cultura do Milladoiro. Nesta actividade colaboran o Concello de Ames e maila Universidade de Santiago de Compostela.
O CEIP de Barouta e as familias de sexto de Educación Primaria organizan o sábado, 25 de maio, a celebración da Festa da Primavera. Trátase dun evento aberto ao público. Será unha xornada lúdica que dará comezo ás 17:00 na praia fluvial de Tapia. Incluirá xogos populares, obradoiros, un concerto e unha tómbola. Todo o recadado irá destinado á excursión de fin de curso do alumnado de 6º de primaria.
Durante a xornada haberá diversos xogos populares para os cativos e cativas, unha tómbola con máis de 70 premios e, ao remate, un concerto a cargo de Pakolas.
O auditorio da Casa da Cultura de Bertamiráns acollerá mañá, 8 de marzo, a presentación do libro “Universo Inverso” ás 19:00 horas. Trátase dun libro de haikus que foi creado integramente polo alumnado de 6º de primaria do CEIP de Barouta, desde a redacción dos textos ás ilustracións. Durante o acto, presentado por Belén Xestal, 25 alumnas e alumnos recitarán algúns dos haikus que compoñen o libro acompañados de música en directo e de intérpretes en lingua de signos. Ademais, contarase coa actuación do grupo de danza GoPra Performance. Polo momento, o libro non estará dispoñible en librerías, pero poderá adquirirse durante a presentación ou chamando ao centro escolar para encargar algún exemplar.
O CEIP de Barouta organiza o venres 21 de xuño a celebración da Romaría de Fin de Curso 2024. Trátase dun evento aberto ao público. Será unha xornada lúdica que dará comezo ás 10:00 nas instalacións do centro educativo. Incluirá un roteiro, un xantar colaborativo, xogos, deportes e música, ademais da cerimonia de graduación do alumnado de 6º de Educación Primaria.