Solapas principales

Ampliación do servizo do Punto limpo móbil ás urbanizacións de Aldea Nova, As Mimosas e Agro do Muíño

Viernes, 28 marzo, 2025
O Concello de Ames, a través da Concellaría de Obras e Servizos Básicos, informa sobre a ampliación do servizo que ofrece o Punto limpo móbil, que estará o último sábado de cada mes nas urbanizacións de Aldea Nova, As Mimosas e Agro do Muíño. O Punto Limpo móbil é un vehículo adaptado que percorre os diferentes lugares e parroquias de Ames, cuns horarios e puntos prefixados, co obxectivo de que a veciñanza poida depositar os pequenos residuos domésticos para os que non existen colectores na vía pública.

Deste xeito, o último sábado de cada mes o Punto limpo móbil prestará servizo nas urbanizacións de Aldea Nova, As Mimosas e Agro do Muíño, nos seguintes horarios:

-Urbanización de Aldea Nova: estará diante do Centro de usos múltiples de Aldea Nova, en horario de 11.00 a 11.45 horas.

-Urbanización de Agro do Muíño: estará na dársena de autobuses do CEIP Agro do Muíño, en horario de 12.00 a 12.45 horas.

-Urbanización de As Mimosas: estará na zona da piscina, en horario de 12.55 a 13.30 horas.

O vehículo consta dunha plataforma móbil que se abre en dúas metades deixando un corredor central desde o que se accede aos colectores específicos para cada tipo de residuo. Nel hai un operario para axudar a que todos os residuos se depositen no colector que lles corresponde.

Os residuos que se poden depositar no punto limpo son aerosois, aceite doméstico, baterías e acumuladores, CD, DVD, disquetes e casetes, cristal, xoguetes, lámpadas e fluorescentes, pequenos electrodomésticos electrónicos (televisores, microondas, ordenadores, etc.), pilas, pinturas e vernices, radiografías, roupa e calzado e teléfonos móbiles.

Multimedia