O Concello de Ames informa que a incidencia na aplicación de reserva de cita da Sede electrónica para acudir ás Recepcións Reais do sábado 4 de xaneiro foi resolta, polo que xa se pode reservar con normalidade cita para ese día a través da Sede Electrónica. As Recepcións Reais do Concello de Ames faranse o venres 3 e o sábado 4 de xaneiro nos pavillóns de Bertamiráns e do Milladoiro. Os Reis Magos estarán os dous días en ambas localidades. As visitas aos Reis Magos pódense facer o venres de 17.00 a 19.30 horas e o sábado 4 pola mañá de 11.00 a 13.30 e pola tarde de 17.00 a 19.30 horas. As visitas terán un intervalo de 5 minutos por cada unidade familiar. Para participar en ditas recepcións reais é imprescindible sacar cita previa a través da Sede electrónica do Concello de Ames.

O Concello de Ames traballa na organización das Cabalgatas de Reis, que se celebran o domingo 5 de xaneiro nas localidades do Milladoiro e Bertamiráns. Para participar en ditas Cabalgatas abriuse un prazo de inscrición, que rematou o 22 de decembro, co obxectivo de que as nenas e nenos do concello poidan acompañar aos Reis Magos nas carrozas. Para cubrir as últimas prazas abre un prazo extraordinario de inscrición ata o domingo día 29 de decembro. As últimas prazas cubriranse por orde de presentación dos impresos de solicitude.

Con data de 16 de decembro de 2024, recíbese escrito da Xuntanza de Empresarios de Ames (XEA) de solicitude de ampliación de horarios de Nadal nos establecementos de hostalería.

Premendo na ligazón que está ao pé deste aviso pódese obter o menú das escolas infantís municipais de Ames. Este menú foi elaborado pola nutricionista municipal do Concello de Ames.