Tendo en conta o atraso na publicación das listas provisionais e tendo en conta a proximidade do inicio do programa da Escola de Verán, mediante a aprobación do decreto 1820/2022 resólvese aplicar a tramitación de urxencia ao procedemento reducindo á metade o prazo de subsanación que se establece no regulamento da Escola de Verán para a presentación de reclamacións á lista provisional de admitidos e excluídos, quedando este prazo reducido a 5 días hábiles. Tendo en conta isto o prazo de emendas de solicitudes para presentar documentación e alegacións remata o 22 de xuño de 2022.

Os centros habilitados para a realización do programa son, na zona do Milladoiro, a Escola de Educación Infantil e o CEP de Ventín, mentres que en Bertamiráns o programa da Escola de Verán desenvolverase nas instalacións do CEIP A Maía.