“Finde na neve” é unha actividade que pretende fomentar un ocio saudable, diferente e de contacto coa natureza entre a mocidade, así como facilitar a posibilidade de coñecer outra xente nova do municipio e fortalecer as experiencias conxuntas. A saída realizarase, como vén sendo habitual, na estación invernal de Leitariegos, en León, na segunda fin de semana do mes de febreiro, entre o día 7 e o 9. Pódese consultar as bases da actividade na seguinte ligazón.

O prezo é de 158 euros e inclúe o desprazamento ida e volta en autobús, o aloxamento e pensión completa de 3 días e 2 noites no albergue turístico El Cordal Laciana (comezando coa cea do venres e rematando coa comida do domingo), forfait e alugueiro de material de esquí durante dúas xornadas (incluíndo esquís, botas, bastóns e casco), curso de esquí de 4 horas, seguros e monitores.

Actualmente, as instalacións están temporalmente pechadas debido ás escaseza de neve polo que, de momento, non se abonará a actividade. Nos vindeiros días recibirán máis información a través do correo electrónico.