A programación da Aula AMTIC para o primeiro trimestre de 2023 inclúe un curso de iniciación no procesador de textos Writer, que está dirixido ás persoas de 18 anos en diante. Dito obradoiro impartirase do 7 ao 30 de marzo, os martes e xoves, de 18:30 a 20:00 horas. Para este curso ofértanse 12 prazas.

A inscrición pode facerse de maneira presencial, na AMTIC (na Casa da Cultura do Milladoiro), de 10:00 a 13:00 horas e de 16:00 a 20:00 horas (excepto en horario de realización de cursos); ou ben enviando a ficha que se pode atopar premendo nesta ligazón debidamente cumprimentada e firmada ao enderezo electrónico informatica.milladoiro@concellodeames.gal.

Para máis información sobre os cursos ou a actividade da Aula Municipal Tecnolóxica da Información e da Comunicación pódese chamar ao número de teléfono 981 535 940 ou escribir a informatica.milladoiro@concellodeames.gal.