- Tipo
- Tematica
O Concello de Ames, a través da Concellaría de Cultura, organiza para este domingo, 15 de decembro, o concerto de Nadal no que actuarán diferentes grupos de baile e música tradicional do noso concello. O evento, enmarcado dentro da programación do Nadal en Ames, celebrarase na Casa da Cultura de Bertamiráns ás 19.00 horas. A entrada é de balde ata completar aforo e convites xa se poden descargar na Billeteira electrónica. Os convites poden adquirirse na Billeteira Electrónica.
A programación do Nadal en Ames continúa este domingo coa celebración do concerto de Nadal, unha actividade xa tradicional nestas datas organizada polo departamento de Cultura. O recital contará coa participación de diversos grupos amesáns de baile e música tradicional: Os Castros, as Pandereteiras da Costaneira, Os Retranqueiros, Airiños do Paseo de Colón, As Maianas e Requinta da Maía. A actividade, orientada a todos os públicos, é de balde ata completar aforo.
O concerto terá lugar ás 19.00 horas deste domingo, 15 de decembro, na Casa da Cultura de Bertamiráns. Os convites están dispoñibles para descargar na Billeteira electrónica do Concello de Ames.
