A peza teatral “Entrega en man”, da compañía Contraproducións, representarase no auditorio de Bertamiráns ás 20.30 horas. É unha obra de comedia, fundamentalmente de humor negro, baseada na América profunda e que trata temas de forte carga social como o racismo, o machismo ou a xenofobia.

Nun cotroso cuarto dun cutre hotel dunha pequena e anónima vila americana, un home maduro e excéntrico ofrece unha recompensa por recuperar a man que, nun acto de cruel e gratuíta violencia, lle cortaron 27 anos atrás e que, desde aquela, leva buscando sen descanso. Un mozo negro e a súa fermosa e moza branca pretenden enganalo ofrecéndolle unha man que, loxicamente, non é a súa. O estraño recepcionista do hotel entremétese e pon en risco a insólita transacción. Unha comedia tola e denegrida na que, da man dun humor mordaz e corrosivo, zumega o tema do racismo, do machismo e da xenofobia.