Dentro da programación estival municipal, a Aula da Natureza organiza Noite de Estrelas, unha xornada para gozar da astronomía desde o paseo do río de Bertamiráns. A actividade, dirixida a todos os públicos, desenvolverase o sábado 10 de agosto entre as 21:00 horas e as 00:00. Os asistentes, guiados polo experto astrónomo Antón Bouza, achegaranse á lúa, ás galaxias, ás constelacións e poderán descubrir planetas como Venus, Saturno ou Xupiter.