Co gallo da Semana Europea da Mobilidade, o Concello de Ames organiza unha andaina pola senda verde que conecta O Milladoiro con Bertamiráns. Será o domingo 24. A saída terá lugar ás 10:00 horas, dende a Igrexa de San Xosé, no Milladoiro. Haberá un autobús para levar ás persoas de Bertamiráns ao Milladoiro e viceversa. Os interesados poden anotarse escribindo ao enderezo electrónico mobilidade@concellodeames.gal (é preciso indicar se se necesita praza no autobús).